ಮುಸ್ಸಂಜೆಯ ಮುಜುಗರ !

ವರ್ಷವೊಂದು ಕಳೀತು....!

ಲೀಕ್ ಆದ ಪೇಪರ್,ಬಿಡದೇ ಕಾಡಿದ್ದ ಟೆನ್ಷನ್,ಮನೆಯವರ ಅತೀಯಾಗಿದ್ದ ಕಾಳಜಿ ,ಮುಗಿಯದ ಸಾಲು ಸಾಲು ನಿರೀಕ್ಷೆ !!

ಅವತ್ತಿದೇ ದಿನ ಅಂತೂ ಇಂತೂ ಮುಗಿದ ಪರೀಕ್ಷೆಗೆ ಪಟ್ಟ ಸಣ್ಣದೊಂದು ಖುಷಿ ಇತ್ತು ....

ಹೇಳಲಾಗದ ,ತೋರಲಾಗದ ಭಾವ ಬೇಸರ ತರಿಸಿತ್ತು !

ವರ್ಷದ ಹಿಂದಿನ ಈ ಭಾವವೇ ಎನೋ ಕಳೆದೊಂದು ತಿಂಗಳಿನಿಂದ ಮತ್ತದೇ ಗೊಂದಲ,ಗೋಜಲಿನ ಭಾವ ಮೂಡಿಸುತ್ತಿದೆ ...

ಇವತ್ತಿನ ಮುಸ್ಸಂಜೆಯ ಈ ಭಾವವೂ ಕೂಡಾ ಹೇಳಲಾಗದ ಆ ಭಾವಕ್ಕೆ ಹೊರತಾಗಿಲ್ಲ ...
ಮನ  ಜಾತ್ರೆಯಾಗಿದೆ.....ನೆನಪುಗಳ ತೇರಲ್ಲಿ ತನ್ನವರು ದೂರಾದ ಭಾವದಲ್ಲಿ ಕೊರಗ ಹತ್ತಿದೆ ,

ವರ್ಷದ ಹಿಂದಿನ ಮಾತು...


ಅಲ್ಲಿ ಪುಟ್ಟದೊಂದು ಅಡ್ಡವಿತ್ತು ....

ಅವಳವರೆನ್ನುವವರು ತುಂಬಾ ಮಂದಿ ಇದ್ದರು....ಕೀಟಲೆಗಳನ್ನೆಲ್ಲಾ ಸಹಿಸಿಕೊಳ್ಳೋರಿದ್ದರು .....ಹಟ ಮಾಡಿದ್ರೆ ರಮಿಸೋರಿದ್ದರು...ಕಣ್ಣೀರನ್ನು ಒರೆಸೊ ಕೈಗಳಿತ್ತು ....ಜಗಳ ಮಾಡೋಕೆ ಅಂತಾನೆ ತಮ್ಮನಿದ್ದ:)...ಮಾತುಗಳನ್ನ ಕೇಳೋ ಕಿವಿಗಳಿತ್ತು.....ತಮಾಷೆ ಮಾಡೋ ,ನಗಿಸೋ ಆತ್ಮೀಯರಿದ್ದರು .....

ಪ್ರೀತಿಯ ಮನೆ ಇತ್ತು .... ಮನದಲ್ಲೊಂದು ಅರಮನೆಯಿತ್ತು ... ಅದಕ್ಕೆ ಅವಳದ್ದೇ ಅಧಿಪತ್ಯ ಇತ್ತು ... ಚಿಲ್ಲು ಚಿಲ್ಲು ಕನಸುಗಳಿತ್ತು .... committed ಮಂದಿಗೆ ಗೋಳು ಹೊಯ್ಯೋ ಸಲುಗೆಯಿತ್ತು....
ಮಾಡೋಕೆ ಕೀಟಲೆಗಳಿದ್ದವು....ಆಡೋಕೆ ಓರಿಗೆಯವರಿದ್ದರು.....ಮಾತಾಡೋಕೆ ಬಾಯಿ ನೋಯೋ ಅಷ್ಟು ಮಾತುಗಳಿದ್ದವು....

　

ಈಗಲೂ ಇವುಗಳೆಲ್ಲವೂ ಇದೆ ...ಆದರೆ......ಅಂತರವನ್ನು ಕಾಯ್ದುಕೊಂಡು......ಅಂತರದ ದೂರದಲ್ಲಿ !!!

ಏನನ್ನೋ ಕಳಕೊಂಡ ಭಾವ ;(

ವರ್ಷ ಒಂದರಲ್ಲೇ ಬದಲಾದ ನೂರೆಂಟು ಭಾವ....ವರ್ಷವೊಂದರ ಹಿಂದಿದ್ದ ಸಮಾಜ ಪೂರ್ತಿ ಬದಲಾದ ಅನುಭಾವ....ಎನೋ ಹೇಳಲಾಗದ ಅನುಭವ ....

ಪ್ರೀತಿ ತುಂಬಿದ ಸ್ನೇಹದ ಅಡ್ದ ದೂರಾದ ನೋವಾ ? ಅಥವಾ ಅವಳನ್ನೇ ಪೂರ್ತಿಯಾಗಿ ಬದಲಾಯಿಸಿತ್ತಾ ಆ ಹವಾ ?  ಅಥವಾ ಬಿಸಿಲ ಕಾವಾ ??

ತಿಳಿಯದ ಗೊಂದಲ ನಂದು ......

ಎಲ್ಲವನ್ನೂ ತಾಳ್ಮೆಯಿಂದ ಕೇಳುತ್ತಿದ್ದ ಅವರಿಂದು ದಿನಕ್ಕೆ ೪ ಫೋನ್ ಮಾಡಿ ಊಟ ಆಯ್ತ,?ತಿಂಡಿ ಆಯ್ತ?ಕ್ಲಾಸ್ ಹೆಂಗ್ ಇತ್ತು? ಅಂತ ಪಾಪುವಿಗೆ ಕೇಳೋ ತರ ಕೇಳ್ತಾರೆ ...ಇದಕ್ಕಿಂತ ಆಚೆಯ ಒಂದು ಮಾತೂ ಇಲ್ಲ ......ಯಾವಾಗಲೂ ಜಗಳ ಮಾಡೊ ತಮ್ಮ ಕೂಡಾ "ನನಗಿನ್ನು ೨ ತಿಂಗಳು ರಜಾ ಅಕ್ಕ .. ನೀನಿಲ್ಲದ ರಜಾ ನಿಜಕ್ಕೂ boar ಮನೆಗೆ ಬಾ ಪ್ಲೀಸ್ "ಅಂತ matured ಆಗಿ ಮಾತಾಡ್ತಾನೆ !!....

.ಮನೆ ವರ್ಷಕ್ಕೊಮ್ಮೆ ಹೋಗೋ ಅತಿಥಿಯ ಅನುಭವ ನೀಡುತ್ತೆ! ....

ಪ್ರಸ್ತುತ ಸಿಗದೇನೇ ಕಳೆದು ಹೋದ ಒಲವ ಬಗ್ಗೆ ಬೇಸರವೂ ಇದೆ...

ಹಟ ಮಾಡೋದು ಮರೆತೇ ಹೊಗಿದೆ ಅಕ್ಷರಶಃ .......ಸಲುಗೆಯ ಸ್ನೇಹ ನನ್ನದೇ ಅಗಿತ್ತಾ ಅನ್ನೊ ಭಾವ ಮೂಡೋ ಅಷ್ಟು ಅಂತರದಲ್ಲಿದೆ ಜೀವದ ಸ್ನೇಹಿತರ ಬಳಗ !

ಅಂತರ ಮೂಡಿದ್ದಂತೂ ನಿಜ ...ಮೂಡಿಸಿದ್ದು ಯಾರೆಂದು ಒಂದೆರಡು ಕ್ಷಣ ಯೋಚಿಸಿ ಗೊಂದಲದಲ್ಲಿ ಬಿದ್ದೆ ....ಉತ್ತರ ಸಿಗದ ಗೊಂದಲ ...ಕಳಕೊಂಡ ಭಾವವನ್ನಿಲ್ಲಿ ಹೇಳೋಕೆ ಕಷ್ಟ ಆಗ್ತಿದೆ

 dreams ಗಳನ್ನ aim ಗಳಾಗಿ ಮಾಡಿಕೊಂಡು ಖುಷಿ ಪಟ್ಟಿದ್ದಾಗಿದೆ ...ನಾವೇ ಇಷ್ಟ ಪಟ್ಟು ಆರಿಸಿಕೊಂಡ ಭಾವ...ಈಗಲೂ ಇಷ್ಟವಾಗೊ ಭಾವ..ಅದರೂ ಇವತ್ತಿನ ಈ ಸಂಜೆಗೆ ಮಾತ್ರ ಮುಜುಗರ ಮೂಡಿಸುತ್ತಿರೋ ಭಾವ.......ನಿರಾಶೆಯ ನೋವ ಭಾವ....ಕಣ್ಣಂಚಿನ ಬೇಸರದ ಭಾವ......ಕೋಲ್ಮಿಂಚಿನ ಭಾವ...ಒಂದು ಕ್ಷಣಕ್ಕೆ ಹೆಪ್ಪಾದ ಕನಸುಗಳ ಕನಸಿನ ಭಾವ......ಭಾವನೆಗಳ ಮಧ್ಯ ತೂರಿ ಬರುತ್ತಿರೊ ಭಾವ..

.ಭಾವ ಭಾವನೆಗಳ ನಡುವಿನ ಗೊಂದಲದ ಭಾವ...

　

ಕಳೆದೊಂದು ತಿಂಗಳಿನಿಂದ ಸಾಲು ಸಾಲಾಗಿ ಕಾಡುತ್ತಿರೊ ಭಾವ ....ಇಷ್ಟವಾಗದ ಕಷ್ಟ ಪಟ್ಟು ದೂರ ಮಾಡ್ತಿದ್ದ ಈ ಭಾವ ಈ ಮುಸ್ಸಂಜೆಗ್ಯಾಕೊ ಇಷ್ಟವಾದಂತಿದೆ ....ಆದರಿದು ಇವತ್ತಿನ ಸಂಜೆಗೆ ಮಾತ್ರ ಮೀಸಲು ಎಂಬ ಧೈರ್ಯ ನಂದು .... ನಾಳೆಯ ಸುಪ್ರಭಾತಕ್ಕೆ ಮತ್ತದೇ ಹೊಸ ಕನಸುಗಳಿವೆ ....ನನ್ನದೇ ಸರ್ವಾಧಿಕಾರದ ಹೇಳಿದ್ದನ್ನೆಲ್ಲಾ ಆಲಿಸೋ ಸುಂದರ ಮನಸ್ಸಿದೆ.. ಖುಷಿಸೋ ಅಡ್ಡವಿದೆ .... ಕಾಲೆಳೆಯೊ ಹೊಸ ಸ್ನೇಹಿತರಿದ್ದಾರೆ ಅನ್ನೋ ಪ್ರಾಮಾಣಿಕ ಭಾವ ನಂದು.....

ಆದರೂ ಯಾಕೊ ನೆನಪುಗಳ ಹಾಳೆಯಲ್ಲಿನ ಪ್ರೀತಿ ತುಂಬಿದ ವರ್ಷದ ಹಿಂದಿನ ಭಾವವೇ ಅತೀ ಇಷ್ಟ ಆಗ್ತಿರೋ ಅನುಭವ ಇವತ್ತು .......

ಕಳೆದು ಹೋದ ಎಲ್ಲಾ ’ಇಲ್ಲ’ ಗಳನ್ನ ಸೇರಿಸಿ ಹುಡುಕ ಹೊರಟ ಭಾವ......

ಸಿಕ್ಕಿದ್ದರ ಬಗ್ಗೆ ಅರಿವಿಲ್ಲದ ಕಳ ಕೊಂಡರ ಬಗೆಗಿರುವ ಅತಿಯಾದ ವ್ಯಾಮೋಹ....

ಇರುವುದೆಲ್ಲವ ಬಿಟ್ಟು ಇರದುದರೆಡೆಗಿನ ಬಗೆಗಿನ ತುಡಿತ ...

ಅಸಲು ಈ ಭಾವ ನಾಳೆಯ ಖುಷಿಯನ್ನು ಕೊಲ್ಲದಿರಲಿ ಎಂಬ ಇಂಗಿತ


(ಭಾವ ಅವಳದು ಎಂದು ಹೇಳೋಕೆ ಹೋಗಿ ಪೂರ್ತಿಯಾಗಿ ಸೋತಿದ್ದೇನೆ ನಿಮ್ಮೆದುರು .... ಅವಳಿಂದ ಶುರುವಾದ ಭಾವ ಎರಡನೇ ಲೈನ್ ಗೆ ನನ್ನ ಭಾವವಾಗಿ ಕಾಡ ಹತ್ತಿದೆ ...ಭಾವಗಳು ನನ್ನದೇ ಅನ್ನೋ ಸಣ್ಣ ಅನುಮಾನ ನಂಗೆ.....ಸುಮ್ಮನೆ ಮನದ ಬೇಸರಕ್ಕೊಂದಿಷ್ಟು ಮಾತುಗಳು .... ನೀವು ಬೇಸರಿಸದಿರಿ .....)

ನಮ್ ಹುಡುಗ್ರು .

                    ಬರೀ ನಿನ್ನ ಗೆಳತಿಯರ ಬಗ್ಗೆನೇ ಬರೀ .... ನಾವೆಲ್ಲಾ ನಿಂಗೆ ಏನೂ ಅಲ್ಲ ಅಲ್ವಾ ?ಎಂದು ಹುಸಿ ಕೋಪ ಮಾಡೋ ಗೆಳೆಯರಿಗಾಗಿ :)

ದೊಡ್ಡ ಗುಂಪು .... ಬರಿಯ ಮಾತು ,ಮಸ್ತಿ ,ಹರಟೆ ,ತುಂಟಾಟ ,ಜಗಳ ,ಹುಸಿ ಕೋಪ ,ಪಾರ್ಟಿ ,treats ಇಷ್ಟೇ ಗೊತ್ತಿರೋ ಗ್ರೂಪ್ ಇದು ..

. ಅಪ್ಪಿ ತಪ್ಪಿ syllabus ವಿಷಯಗಳನ್ನ ಮಾತಾಡೋ ಜಾಯಮಾನದವರಲ್ಲ :)

ಕಾಲೇಜ್ ನ ಗಾಸಿಪ್ ಗಳು ಬೇಕೆಂದ್ರೆ ನಮ್ಮ ಪಕ್ಕಾ source ಗಳು ಈ ತರ್ಲೆಗಳೇ .... ಪಾರ್ಕಿಂಗ್ ಪ್ಲೇಸ್ನಲ್ಲಿ ವೀಲಿಂಗ್ ಮಾಡ್ತಾ ಜಗತ್ತಿನ ವಿಷಯಗಳನ್ನೆಲ್ಲಾ ಒಮ್ಮೆ ಸುತ್ತಿ ಬರ್ತಾರೆ .... ಬಹುಷಃ ಕಾಲೇಜ್ ಗಿಂತ ಹೆಚ್ಚಾಗಿ ಇವರ ಕ್ಲಾಸೆಸ್ ಆಗೋದು ಕ್ಯಾಂಟೀನಲ್ಲಿ ಅನ್ನೋದೂ ಜಗತ್ತಿಗೇ ಗೊತ್ತಿರೋ ಸತ್ಯ ಬಿಡಿ :)

ಇವರೊಟ್ಟಿಗೆ ಮಾಡಿದ ಜಗಳಗಳೆಷ್ಟೋ .... ಮಾಡಿದ ಪಾರ್ಟಿ ಗಳಿಗೆ ಲೆಕ್ಕಾನೆ ಇಲ್ಲ .... ಇವರ ಮನೆಯಲ್ಲಿ ನಡಿಯೋ functions ಗಳು ನಮ್ಮ ಮನೆಯಲ್ಲಿ ನಡೆದಂತೆಯೇ ಅನಿಸೋದು ..... ಮನೆಯಲ್ಲಿ ಅಮ್ಮ ಮಾಡಿಟ್ಟ ಸ್ವೀಟ್ಸ್ ಗಳನ್ನ ನನ್ಗಿಂತ ಜಾಸ್ತಿ ಇವ್ರೆ ಖಾಲಿ ಮಾಡೋದು ....

 ಇಷ್ಟೇ ಆತ್ಮೀಯತೆ ,ಸ್ನೇಹ ನಮ್ಮ ನಡುವೆ ಇರೋದು !!

ಟ್ರೆಕ್ಕಿಂಗ್  ಅಂತ ಹೋಗೋವಾಗ ಒತ್ತಾಯ ಮಾಡೋ ಮೊದಲ ಕಾರಣ ಏನಂದ್ರೆ ಆಂಟಿ ,ಅಂಕಲ್ ಹತ್ರ ಪರ್ಮಿಷನ್ ಕೇಳೋಕೆ ನಾವ್ ಬೇಕು .... ಇಲ್ಲ ಅಂದ್ರೆ ಈ ಕೋತಿ ಹುಡುಗರನ್ನ ಮಾತ್ರಾ ಕಳ್ಸೋಕೆ ಒಪ್ಪಲ್ಲ ಅವ್ರು ... ಪರ್ಮಿಷನ್ ಸಿಗೋದೇ ತಡ ನಮ್ಮನ್ನ ಹಿಂದೆ ಬಿಟ್ಟು ಹೋಗೋದೊಂದೇ ಗೊತ್ತು ಅಲ್ವಾ ನಿಮ್ಗೆ ?:( ಇರ್ಲಿ ಇರ್ಲಿ ನಮ್ಗೂ ಕಾಲ ಬರುತ್ತೆ

ನಿಮ್ಮಲ್ಲಿ ಬತ್ತಿಯ ಹೊಗೆಯಿದೆ ...
. brandnes froster ಅಂತ ನೀವೇ ಇಟ್ಟುಕೊಂಡ ತೀರ್ಥದ ಸ್ವಾದವಿದೆ :)..
.ಜಿಮ್ ಗೆ ಹೋಗಿ six pack ತೋರ್ಸೋ craze ಇದೆ ....
  ಕಿಲೋ ಮೀಟರ್ ದೂರ ಇದ್ರೂ ತಾಕೋ perfume ನಾ smell ಇದೆ ....
ಲೋ ಮಗಾ ಅಲ್ನೋಡೋ ಫಿಗರ್ ಅನ್ನೋ ಭಂಡತನವಿದೆ ...
 spikes ,ಲೋವೆಸ್ಟ್ ಹಾಕ್ಕೊಂಡು VIP ಬ್ರಾಂಡ್ ತೋರ್ಸೋ ಹುಚ್ಚಿದೆ 
ವೀಲಿಂಗ್ ಅಂತ ಮಾಡೋ ನೂರಾರು ಸ್ಕೋಪ್ ಗಳಿವೆ :)....

 ಹುಡ್ಗೀರ ಒಂದೇ ಸ್ಮೈಲ್ ಗೆ ಕಳೆದೊಗೋ ಮುಗ್ಧ ಮನಸ್ಸೂ ಇದೆ ಕಣ್ರೋ ನಿಮ್ಗೆ :)

 impress ಮಾಡೋಕೆ ಇಷ್ಟೊಂದು ಕಷ್ಟ ಪಡ್ಬೇಕಲ್ಲೋ ನೀವು .... ಪಾಪ ಹುಡ್ಗರು :)

.... ಹುಳುಕನ್ನೋ ಶಬ್ದ ನಿಮ್ಮ ಡಿಕ್ಷನರಿ ನಲ್ಲೇ ಇಲ್ಲ .... ಸ್ನೇಹಕ್ಕೆ ಜೀವ ಕೊಡ್ತೀರ .... ಹಾಗೇನೆ ದ್ವೇಷಕ್ಕೆ ಜೀವನ ಪೂರ್ತಿ ದ್ವೇಷ ಮಾಡ್ತೀರ .... ಗೆಳೆಯನ ಜಗಳ ಬಿಡಿಸೋಕೆ ಹೋಗಿ ಕೆಟ್ಟವರಾಗ್ತೀರ ... ನಿಮ್ಮ propose reject ಮಾಡಿದ್ದ ಹುಡುಗಿ ಬಗ್ಗೇನೂ ಅಷ್ಟೊಂದು ತಲೆ ಕೆಡಿಸಿಕೊಂಡಿರಲ್ಲ ... ಆದರೆ ಪ್ರೀತಿಯಲ್ಲಿ ಸೋತು ಬಂದ ಗೆಳತಿಗೆ ಮಾತ್ರ ತುಂಬಾ ಫೀಲ್ ಮಾಡ್ಕೊಂತೀರ !

ಅಪ್ಪಟ ಪೋಲಿಗಳಾದ್ರು ನಿಮ್ಮೊಳಗಿರೋ ಪರಿಶುದ್ದ ಮನಸ್ಸು ,ಜಗತ್ತನ್ನೇ ಗೆಲ್ಲೋ ಉತ್ಸಾಹ ,ತೋರಿಕೆಯ ಮುಖವಾಡವಿರದ ಪ್ರೀತಿ ,ಹುಡುಗರೆಂಬ ಅಹಂ ,ತುಂಟತನ ,ಎಲ್ಲವೂ ನಂಗಿಷ್ಟ :)

 ಇವಾಗ್ಲೂ ನಗು ಬರುತ್ತೆ .... ರೋಡ್ ನಲ್ಲಿ ಸುಮ್ ಸುಮ್ನೆ ಕೈ ಹಿಡ್ಕೊಳೋ ನಿಮ್ಮ ಪಾಡನ್ನ ನೋಡಿ .... ಯಾಕೋ ಗೂಬೆ ಅಂದ್ರೆ ಎದಿರು ಬರ್ತಿರೋ ಹುಡ್ಗೀನಾ ತೋರ್ಸಿ ಅವಳ್ಗೆ ಪ್ರೊಪೋಸ್ ಮಾಡಿದ್ದೆ .... ಬಟ್ :(

ಈಗ ''ನಿನಗಿಂತ ಚೆನ್ನಾಗಿರೋ ಹುಡ್ಗಿ ಇದಾಳೆ'' ಅಂತ ತೋರ್ಸೊಕೆ :)ಅಂತ ನೈಸ್ ಹೊಡಿತೀರ .... ನಾವೇನೋ ಪಾಪ ಕೊಡ್ಲಿ ಸ್ಕೋಪ್ ಅಂತ ಸುಮ್ನಾಗ್ತೀವಿ :)

ಕೋತಿ ಕಣ್ರೋ ನೀವು .... ನಿಮಗೆ ಬೇಕಾದಾಗ ಬೇಕಾದ ಪಟ್ಟ ಕೊಟ್ಬಿಡ್ತೀರ ....

 ಕುಶಿಯಾದಾಗ ಪಾರ್ಟಿ ಮಿಡ್ ನೈಟ್ ತನಕ !! ,ಬೇಜಾರಾದಾಗ ಫಿಲೋಸೋಪಿ ಹೇಳ್ತೀರ ,ನೋವಾದಾಗ ಅಣ್ಣನಂತೆ ಸಮಾಧಾನ ಮಾಡ್ತೀರ .... ಮಾರ್ಕ್ಸ್ ಕಡ್ಮೆ ಬಂದ ಬೇಜಾರಲ್ಲಿ ನಾವಿದ್ರೆ .... ಪಾಸ್ ಆಗಿದ್ದಕ್ಕೆ ಪಾರ್ಟಿ ಕೊಡ್ಸ್ತೀವಿ ಬನ್ನಿ ಅಂತ ಕರೀತೀರ .... :)

ಎಲ್ಲವನ್ನೂ ಕೂಲ್ ಆಗಿ ತಗೊಳೋ ನಿಮ್ಮ ಈ ಸ್ವಭಾವಾನೇ ನಂಗೆ ತುಂಬಾ ಇಷ್ಟ ಆಗೋದು 

ಪ್ರತಿ valentince ಡೇ ದಿನ propose ಮಾಡ್ಬಿಟ್ಟು ಹತ್ತು ವರ್ಷದಿಂದ ಹೇಳ್ತಿದೀವಿ ಈ ಬಾರಿ ಆದ್ರು ಒಪ್ಗೊಳೆ ಅಂತ ರೆಗಿಸ್ತಾರೆ .... ಪ್ರೀತಿ ಬಗ್ಗೆ ದಿನ ಪೂರ್ತಿ ಮಾತಾಡ್ತೀವಿ ಬಿಟ್ರೆ ಯಾರೊಬ್ರು ಅದರ ತಂಟೆಗೆ ಹೋಗಲ್ಲ .... ನಮ್ಮ ನಡುವೆ ಇರೋದು ಶುದ್ದ ಸ್ವಚ್ಛ ಸ್ನೇಹ ...

. ಒಂದಷ್ಟು ತಮಾಷೆ ,non stop ಮಸ್ತಿ ,ಜಾಸ್ತಿ ಅನ್ಸೋ ಅಷ್ಟು ಕೀಟಲೆ ,ಹೆಚ್ಚಾಗೋ ಆಟ ,ತುಂಬಾ ಕಡ್ಮೆ ಆಗೋ ಪಾಠ ,ಕ್ಲಾಸ್ ನಲ್ಲಿ ಮಾಡೋ ತರ್ಲೆ ,ಕಿಲಾಡಿಗಳು ..... 

ನಿಮ್ಮ ಈ ಹೊಸ ಹೊಸ ತುಂಟಾಟಗಳಿಗೆ ನನ್ನದೊಂದು ದೊಡ್ಡ ಹಾ ಹಾ :)

ಕಾಲೆಸ್ತ್ರೋಲ್ (ಕೊಬ್ಬು )ಕಡ್ಮೆ ಮಾಡ್ಕೊಂಡು  ಮಾತಾಡಿ ,ಮತ್ತದೇ ಎವರ್ ಮಸ್ತಿ ಯ ಮನೆಯಲ್ಲಿಯೇ  ಅಪ್ಪ ಅಮ್ಮನೊಟ್ಟಿಗೆ 

ಸಿಟ್ಟು ಪ್ರದರ್ಶನ ಮಾಡುತ್ತಾ ,roaming ಮಾಡ್ತಾ ಇರೋ unlimited ಖುಷಿಯ ಲೈಫ್ ಗೆ ಒಮ್ಮೆ ಹೋಗಿ ಬರೋಣ ಕಣ್ರೋ ... ಪ್ಲೀಸ್

 ಸ್ನೇಹಿತರ ದೊಡ್ಡ ಗುಂಪನ್ನೊಮ್ಮೆ ನೆನಪಿಸಿಕೊಂಡು ...
. ಭವಿಷ್ಯದೆಡೆಗೆ ಮುಖಮಾಡಿ ಎಲ್ಲರೂ ಚದುರಿ ಹೋಗಿ  ಆರೆಂಟು ತಿಂಗಳುಗಳೇ ಆಯ್ತು ....
 ಆ ದಿನಗಳನ್ನೊಮ್ಮೆ ನೆನಪಿಸಿಕೊಂಡು ....

ಕಳೆದ colourfull ದಿನಗಳ ನೆನಪಿನೊಟ್ಟಿಗೆ ....
ಎಲ್ಲದಕ್ಕೂ ಖುಷಿಸೋ ಗೆಳೆಯರಿಗಾಗಿ ....
ಪ್ರೀತಿಯಿಂದ ....

ಮತ್ತೆ ಬಂದಿದೆ ಮಹಿಳೆಗೊಂದು ದಿನ !!

ಹಾಗೆ ನೋಡಿದ್ರೆ ಎಲ್ಲಾ ದಿನವೂ ಮಹಿಳೆಯರ ದಿನವೇ ....
 ಬೆಳಿಗ್ಗೆ ಎದ್ದು ಬಾಗಿಲಿಗೆ ನೀರು ಬಿಟ್ಟು  ರಂಗೋಲಿ ಹಾಕೋದ್ರಿಂದ ಶುರು ಆಗಿ ರಾತ್ರಿ ಅರೆ ಊಟ ಮಾಡಿ ಮಗುವನ್ನು ಮಲಗಿಸಲು ಹೋಗೋ ತನಕ ಅದು ಅವಳಿಗೇ ಮೀಸಲಾದ ದಿನ ... ಅವಳದ್ದೇ  ದಿನಗಳೇ...

 ಬಿಡುವಿಲ್ಲದ ದಿನಚರಿ ....

ಕೆಲವೊಂದಿಷ್ಟು ಕನಸುಗಳು ... ಕಣ್ಣ ಮುಂದಿನ ಗುರಿ .... ಹೆಗಲ ಮೇಲೆ ಬೆಟ್ಟದಷ್ಟು ಜವಾಬ್ದಾರಿಗಳು ... ಅತ್ತೆ ಮಾವಂದಿರ ಮೇಲಿನ ಕಾಳಜಿ ,ಅಪ್ಪ ಅಮ್ಮನ ಮರೆಯಲಾರದ ವಾತ್ಸಲ್ಯ ,ಮಮತೆಯ ಮಡಿಲಿನ ಸಾರ್ಥಕ್ಯ ... ಸದಾ ನಗುವಿನ ಮುಖ :)
ಬ್ಯುಸಿ ಆಗಿರುವ ಈ ಮಹಿಳೆ ಯಾವ ಪ್ರಧಾನಿಗೂ ಕಮ್ಮಿ ಇಲ್ಲ ...
ತನ್ನ ತನಗಳನ್ನ ಸಂಭಂದಿಗಳಿಗಾಗಿ ಮೀಸಲಿಡೋ ಏಕೈಕ ವ್ಯಕ್ತಿ ಅವಳು ...
ಜಾರುವ ಕಣ್ಣ ಹನಿಗಳನ್ನೋರೆಸಿಕೊಳ್ಳುತ್ತಾ ಬಾಲಿಶ ನಗುವನ್ನು ಸೂಸೋ ನಿಷ್ಕಲ್ಮಶ ವ್ಯಕ್ತಿತ್ವ ...
ಸದಾ ಹಸನ್ಮುಖಿ ....

ಬಾಲ್ಯದಲ್ಲಿ ಅಪ್ಪನ ಮುದ್ದಿನ ಮಗಳು ,ಬೆಳೆಯುತ್ತಾ ಸಮಾಜ ದಿಟ್ಟಿಸೋ ಹುಡುಗಿ ,ಕೆಲವೊಂದಿಷ್ಟು ಮಾತುಗಳನ್ನು ಎದುರಿಸಿಯೂ ಒಳ್ಳೆಯ ಕೆಲಸವನ್ನು ಹಿಡಿಯೋ ಪ್ರೌಡೆ .... ನಂತರ ಮದುವೆಯಾಗೊ ಹುಡುಗನ ಮೇಲೆ ಹರಿಯೋ ಪ್ರೀತಿ ... ಅತ್ತೆ ಮಾವಂದಿರ ಮುದ್ದಿನ ಸೊಸೆ ... ಅಪ್ಪ ಅಮ್ಮನ ಕಣ್ಮಣಿ .... ಕೆಲವೊಂದಿಷ್ಟು ಜವಾಬ್ದಾರಿಗಳು ....ಕೆಲಸಕ್ಕೆಂದು ಓಡೋ ಧಾವಂತ ... ಅಮ್ಮನಾಗೋ ಖುಷಿ ...
 ತನ್ನದೇ ಅದ ಹೊಸ ಪ್ರಪಂಚದ ರಾಣಿ ....ಪ್ರಧಾನಿಗಿಂತಲೂ ದೊಡ್ಡ ಪಟ್ಟ ನಿನ್ನದು

 ಎಲ್ಲರನ್ನೂ ಎಲ್ಲವನ್ನೂ ನಗು ನಗುತಾ ನಿಭಾಯಿಸೋ ನಿನ್ನೀ ತಾಳ್ಮೆಗೆ ನನ್ನದೊಂದು ನಮನ ಗೆಳತಿ ...

ಓ ಕ್ಷಮಯಾ ಧರಿತ್ರಿ ,

ಪ್ರೀತಿ ಎಂದರೆ ನೀ ....
ಮಮತೆಯ ಪ್ರತಿರೂಪ ನೀ ...
ಧನ್ಯತೆಯ ಭಾವ ನೀ ...
ಮಾತು -ಧಾತುವಿನ ಸಮ್ಮಿಲನ ನೀ ...
ನಿನ್ನೀ ಸುಸಂಸ್ಕೃತ ಬದುಕಿಗೆ ,
ಗೌರವದ ಜೀವನ ಪ್ರೀತಿಗೊಂದು ನಮಸ್ಕಾರ ...

ಹೀಗೆಯೇ ಎಲ್ಲರನ್ನು ಪ್ರೀತಿಸೋ ನಿನ್ನ ಗುಣ ಸಮಾಜಕ್ಕೆ ಮಾದರಿಯಾಗಲಿ .... ಎಲ್ಲರೂ ನಮ್ಮವರೇ ತಾನೇ ... ಆದರಿಸೋ ಗೌರವಿಸೋ 'ನೀನು ನನ್ನಮ್ಮ ....
 ನನ್ನ ಪ್ರೀತಿಯ ಅಕ್ಕ ....
 ನಗುವನ್ನು ಹಂಚಿಕೊಳ್ಳೋ ಆತ್ಮೇಯೆ ....
 ದುಃಖವನ್ನೂ ನಗುವಾಗಿ ಮಾರ್ಪಡಿಸೋ ಗೆಳತಿ ...
. ಶುದ್ಧ ತರಲೆ ಮಾಡೋ ತಂಗಿ .
.ಮುಗ್ಧ ಮನಸ್ಸಿನ ಸ್ವಚ್ಚಂದ ಕೂಸು ..
 ಸಮಾಜದ ಹುಳುಕುಗಳನ್ನ ನಾಶ ಮಾಡೋ ಶಕ್ತಿ ಉಳ್ಳ ಜಗದ್ಮಾತೆ ....

 ನೀ ಒಬ್ಬ ಹೆಣ್ಣು ....

 ಹೆಮ್ಮೆ ಪಡು ಗೆಳತಿ ನೀ ಹೆಣ್ಣೆಂದು ....
ನಿನ್ನ ಸಮಾಜ ನಿಂತಿರೋದು ನಿನ್ನ ಮೇಲೆ ...


ಮಹಿಳೆ  .... ಪ್ರೀತಿ .... ಒಲುಮೆ .... ಕರುಣೆ ... ಕ್ಷಮೆ ....
ಎಲ್ಲದ್ದಕ್ಕೂ ಅರ್ಥ   ಒಂದೇ .... ಹೆಣ್ಣು :)

(on the onset of world women's day ,here is the dedication for all proud and happy womens:)...lets respect her feelings....lets feel her thoughts....)

(

ಪಂಜುವಿನಲ್ಲಿ ನನ್ನದೊಂದು ಪುಟ್ಟ ಲೇಖನ ....... ಪಂಜು ಬಳಗಕ್ಕೆ ಧನ್ಯವಾದ ....
ನಿಮ್ಮೀ ಪ್ರೋತ್ಸಾಹಕ್ಕೆ ನಾ ಆಭಾರಿ
http://www.panjumagazine.com/?p=1305)

ಪೆನಾಲ್ಟಿ

ಅವಳದ್ದು ಮಧುರ ಪ್ರೀತಿ ... ಬಹುಷಃ ಅವನದ್ದು ಬಾಲಿಶ ಪ್ರೀತಿಯಾಗಿದ್ದೀತು !ಅಥವಾ ಆಕೆ ನಾಮಕರಣ ಮಾಡಿಕೊಂಡಿದ್ದ "ಪ್ರೀತಿ"ಅದಾಗಿರದೆ ಇದ್ದೀತು ...

 ಅವಳು ಬದುಕಿನ ಬಗೆಗೆ ತೀರಾ ನಿರೀಕ್ಷೆ ಇಟ್ಟು ಕೊಂಡವಳು .. ಅವನು ಎಲ್ಲವನ್ನೂ ಫೆದರ್ ಲೈಟ್ ಎಂದು ಹೇಳೋನು ... ಅವಳದ್ದು ಸಾದಾ ಸೀದಾ ಬದುಕು ... ಅವನು 'royal ಲೈಫ್ 'ಲೀಡ್ ಮಾಡೋನು ..

 ಚಿಕ್ಕ ಚಿಕ್ಕ ಖುಶಿಗಳನ್ನ ಅನುಭವಿಸೋ ಮನವಿದು ... ಆಕಾಶವನ್ನೇ ಕೈಗಿತ್ತರೂ ಕುಶಿ ಪಡದ ಮನ ಅದು .. !!

ಅದೇಕೋ ತುಂಬಾ ಇಷ್ಟವಾಗಿದ್ದ ಒಲವು  ... ಅವಳೇ ತನ್ನೊಲವ ನಿವೇದನೆಯನ್ನೂ ಮಾಡಿಕೊಂಡಿದ್ದಳು (ಅದು ಪ್ರೀತಿ ಎಂದು ಖಾತ್ರಿಯಾದ ಮೇಲೇ )... ಅವನೂ ಪ್ರೀತಿಯ ಸಮ್ಮತಿಯನ್ನೆ ನೀಡಿದ್ದ ''ಇಷ್ಟು ದಿನ ಬೇಕಾಯ್ತೇನೆ ಹುಡುಗಿ'' ಎಂದು ತಲೆಗೊಂದು ಮೊಟಕಿ ...

ಅವರಿಬ್ಬರದ್ದು ಬರಿಯ ಸ್ನೇಹವಲ್ಲ ಎಂದು ನಂಗೂ ಗೊತ್ತಿತ್ತು ... ಹರೆಯದ ಪ್ರೀತಿ ,ಪ್ರೇಮವನ್ನು ಕಡಾಖಂಡಿತವಾಗಿ ನಿರಾಕರಿಸೋ ಅವಳು ಅದ್ ಹೇಗೆ ಅವನ ಪ್ರೀತಿಗೆ ಸೋತು ಶರಣಾದಳೋ ಕಾಣೆ  !...
ಪ್ರೀತಿಪರವಶೆಯಲ್ಲಿ ,ಅವನ ಸಾಮಿಪ್ಯದಲ್ಲಿ ನಿಜಕ್ಕೊ ಖುಷಿಪಡುತ್ತಿದ್ದಳು ... ಮಾತೇ ಆಡದೇ ಮೌನದ ಚಿಪ್ಪಾಗಿದ್ದ ಅವಳು ಮಾತಾಡೋದನ್ನ ಕಲಿತಿದ್ದಳು ... ನಗೋದನ್ನ ಕಲಿತಿದ್ದಳು (ಈಗ ಅಳುವಿನಲ್ಲಿಯೂ! )... ಅವಳ ಈ ಖುಷಿಗಳ ರೂವಾರಿ ಅವನೆಂಬುದು ತಿಳಿದಿತ್ತು ..!ಕೈ ಹಿಡಿದು ಈ ಪುಟ್ಟ ಕೈ ನಂದೇ ಇದನ್ಯಾವತ್ತೂ ಬಿಡೋ ಪ್ರಶ್ನೆ ಇಲ್ಲ ಎಂದು ಅವನೆದೆಗೆ ಅವಳ ಕೈ ಇಟ್ಟು ಹೇಳಿದ್ದ ಹುಡುಗ ಅವನು ...

ಈಚೆಗೆ ಅವನಿಗಿಷ್ಟವಾಗದ ಅವಳ ಇಷ್ಟಗಳು ಅವಳಿಗೂ ಇಷ್ಟವಾಗುತ್ತಿರಲಿಲ್ಲ !ಇಷ್ಟಗಳಲ್ಲಿ ಬದಲಾವಣೆಯಾಗಿತ್ತು ... ಅವನ ಹಟಕ್ಕೆ ಅದು ಅನಿವಾರ್ಯವಾಗಿತ್ತು .. ಯಾವಾಗಲೂ ಸಿಂಪಲ್ ಇಷ್ಟ ಪಡೋ ಅವಳು ಇವನ ಸ್ಪೈಕ್ ,ಲೋವೆಸ್ಟ್ ಗಳನ್ನ ಇಷ್ಟ ಪಡೋಕೆ ಶುರು ಮಾಡಿದ್ದಳು !ನನ್ನ ಹುಡುಗ ಹೇಗಿರಬೇಕೆಂದು ಮೊದಲು ಹೇಳಿದ್ದ ಅವಳ ಈ ಹುಡುಗ dead opposit !!...

 ಅದರೂ ಅವಳ ಪ್ರೀತಿ ಅದು .... ಮಧುರ ಒಲವು

ಮಾತಿನಲ್ಲೇ ಸದಾ ಮುಳುಗಿರುತಿದ್ದ ನನಗೆ ಅವಳ ಗೆಳೆತನ ಆದದ್ದು ಹೇಗೆ ಎಂಬುದು ನನಗಿಂದೂ ತಿಳಿದಿಲ್ಲ ... ನಮ್ಮ ತರಲೆಗಳಿಗೆಲ್ಲ ಅವಳ ಮಂದಹಾಸವನ್ನು ಬಿಟ್ಟು ಬೇರೇನನ್ನೂ ಎದುರ ನೋಡೋ ಹಾಗಿರಲಿಲ್ಲ ... ಅಷ್ಟು ಸೌಮ್ಯ ಅವಳು ... ಎಲ್ಲರನ್ನೂ ಪ್ರೀತಿ ಮಾಡೋ ,ಇಷ್ಟ ಪಡೋ ಅವಳಿಗೆ ಅವನೂ ತುಂಬಾನೇ ಇಷ್ಟವಾಗಿದ್ದ ..

ಅವನ ಪ್ರೀತಿ ,ಆತ್ಮೀಯತೆಗೆ ಸೋತಿದ್ದಳು ... ಪ್ರೀತಿಯ ಸೆಳೆತಕ್ಕೆ ಅದಾಗಲೇ ಸಿಲುಕಿದ್ದಳು ... ಅವನೊಟ್ಟಿಗೆ ಈಜಿ ದಡ ಸೇರುವ ಭರವಸೆಯೊಂದಿಗೆ....  .ಆದರೆ... ?? ..

 ಮೊದಲ ಒಲವು ,ಮೊದಲ ಭರವಸೆ ,ತನ್ಮಯಳಾಗಿ ನೋಡಿದ್ದ ಅವನ ಮುದ್ದು ಮುಖ ... ಪ್ರೀತಿಯ ಮೊದಲ ಸಲುಗೆಯ ಸ್ಮೃತಿ ಮರೆಯೋಕೂ ಮುಂಚೆನೇ ಆ ಪ್ರೀತಿ ಮುರಿದು ಬಿದ್ದಿತ್ತು ... ಅವಳ ಮುಗ್ದ ಮನವೂ ಮಗುಚಿ ಬಿದ್ದಿತ್ತು .. !!!

. ಒಲವಿನ ಹುಡುಗ ಅದ್ಯಾಕೋ ಮುನಿಸಿಕೊಂಡಿದ್ದ ...

 ನೀ ನನ್ನ ಪ್ರೀತಿ ಅಲ್ಲವೆಂದು ಮುಖಕ್ಕೆ ಹೊಡೆದಂತೆ ಹೇಳಿದ್ದ ...ಅವಳ ಮುಗ್ದ ಪ್ರೀತಿಗೆ 'ಪಾಪು ಕಣೆ ನೀನು ... ನಿನ್ನನ್ನ ಇಷ್ಟ ಪಡ್ಬಾರ್ದಿತ್ತು ನಾನು ... ನನ್ನ ಕನಸಿನ ಹುಡುಗಿ ನೀನಲ್ಲ 'ಎಂದು ಕಾರಣ ಬೇರೆ  ಹೇಳಿದ್ದ !!!ಅವನ ಒಲವು ಕವಲೊಡೆದಿದ್ದು ನಿಜವಾಗಿತ್ತು ....  ಪ್ರೀತಿಯ ನವಿರು ಭಾವಗಳನ್ನ ಪ್ರತಿಫಲಿಸಬೇಕಿದ್ದ ಅವನ ಕಂಗಳಲ್ಲಿ ದಿವ್ಯ ನಿರ್ಲಕ್ಷ ಮಾತ್ರ ಕಾಣುತ್ತಿತ್ತು ...

ಹಠ ಹಿಡಿದು ಪಡೆಯೋ ಪ್ರೀತಿಗೆ ಅರ್ಥವಿಲ್ಲವೆಂಬುದು ಅವಳಿಗೆ ಗೊತ್ತು ...

 ನಗುವುದನ್ನು ಮಾತನ್ನು ಕಲಿಸಿ ಈಗ ನನ್ನ ಗೆಳತಿಯನ್ನ ಮೂಕಿಯನ್ನಾಗಿ ಮಾಡಿ ,ನಗುವನ್ನೇ ಮರೆಸಿ ಹೋದ ನಿನ್ನೆಡೆಗೆ ನನ್ನ ಬೇಸರವಿದೆ ಗೆಳೆಯ ...

ಅವಳ ಮನಸಿನ ಮಧುರ ಭಾವಗಳೊಂದಿಗೆ  ನಿನ್ನ ಭಾವನೆಗಳನ್ನ ಸೇರಿಸಲೇ ಬಾರದಿತ್ತು ನೀನು ... ತಪ್ಪು ಯಾರದ್ದೋ ನಾ ಕಾಣೆ ... ಮನ ಮುರಿದಿದ್ದು ಮಾತ್ರ  ಸತ್ಯ ... ಮೊದಲೇ ಪ್ರೀತಿಯೆಡೆಗೆ ತಿರಸ್ಕಾರವಿದ್ದ ಅವಳಿಗೆ ಇನ್ನು ಪ್ರೀತಿಯೆಡೆಗೆ ಅಸಹ್ಯ ಮೂಡಿದ್ರೆ ಅದಕ್ಕೆ ಕಾರಣ ನೀನಾಗ್ತೀಯ ಅಂತ ಹೇಳಬಲ್ಲೆ ...


ಅವಳ ಪ್ರೀತಿ ನೀನು ಕಣೋ ... ಭಾವನೆಗಳೊಂದಿಗೆ ಆಟ ಆಡದಿರು ....

ವರ್ಷದ ಮೊದಲ ಮಳೆಯಲ್ಲಿ ಯಾವಾಗಲೂ ಕುಣಿದು ಖುಶಿಸೋ ಗೆಳತಿ ಇವತ್ತು ಮಳೆಯಲ್ಲಿ ಸುಮ್ಮನೆ ಹನಿಗಳಿಗೆ ಮುಖವೊಡ್ಡಿ ನಿಂತಿದ್ದಾಳೆ .... ಗೆಳೆಯನ ನೆನಪಿಗೊಂದು ಅಶ್ರುತರ್ಪಣ ಬಿಟ್ಟು ಬರಲಿ ಎಂದು ನಾನೂ ಸುಮ್ಮನಿದ್ದೆ ...

ಸಾಧ್ಯ ಆದ್ರೆ ನನ್ನ ಹಳೆ ಗೆಳತಿಯನ್ನು ಮತ್ತೇ ನೋಡಬೇಕೆಂದಿದ್ದೆ ... ಆದರೆ  ಎಲ್ಲರನ್ನೂ ಇಷ್ಟ ಪಡುತ್ತಿದ್ದ ಅವಳು ಈಗ ಅವಳನ್ನೂ ಇಷ್ಟಪಡುತ್ತಿಲ್ಲ !!... ಕನಸಿನ ಪುಟ್ಟ ಮನೆ ಅಡಿಪಾಯ ಹಾಕೋಕೂ ಮೊದಲೇ ನಿಂತಿದ್ದು ...

 ಅವಳ ಪ್ರೀತಿಗೆ ಅವಳು ತೆತ್ತ ಪೆನಾಲ್ಟಿ ಮಾತ್ರ ಅವಳ ಪ್ರೀತಿಯ ಅವನು !!!

ಅವಳ ಗೊಂದಲದ ಪ್ರಶ್ನೆಗಳಿಗೆ ಉತ್ತರ ಕೊಡೊ ಪ್ರಯತ್ನ ಮಾಡದಿರು ಗೆಳೆಯ ... ಮತ್ತೇ ಒಲವಾದೀತು ನಿನಗೆ ... ಅಥವಾ ಬಿರುಕು ಬಿಟ್ಟ ಅವಳ ಹೃದಯ ಒಡೆದೀತು ಜೋಕೆ !!!

ಪ್ರೀತಿಯಲ್ಲಿ ಸೋತ  ಹುಡುಗಿಯಿಂದ.....ಕಣ್ಣೀರಿನ ರುವಾರಿಯಾದ ಅವಳ ಪ್ರೀತಿಯೆಡೆಗೆ ....


ನಿನ್ನೆಡೆಗೆ ಇನ್ನೂ ಒಲವಿದೆ .... ಯಾಕಂದ್ರೆ ನೀನವಳ ಮೊದಲ ಪ್ರೀತಿ ... (ಕೊನೆಯ ಪ್ರೀತಿ ಸಹ )
 

ನನ್ನೆದೆಯ ಬೀದಿಯಲೀಗ ನಿನ್ನೊಲವ ಮೆರವಣಿಗೆ ....

ಪ್ರೀತಿಯ ಮುದ್ದು ...
                       'ಒಲವೇ ನೀನೊಲಿದಾ ಕ್ಷಣದಿಂದಲೇ ...'ಇವತ್ಯಾಕೋ ನಾನು ನಾನಾಗಿಲ್ಲ ಗೆಳೆಯ ..ಎಲ್ಲೋ ಇರಬೇಕಿದ್ದ ನೀನು ನನ್ನೊಳಗೆ ಬಂದುಬಿಟ್ಟಿದ್ದೀಯಾ ! ಅದ್ಯಾವ ಪರಿ ಮನದೊಳಗೆ ಇಳಿದ್ಯೋ ನಾ ಕಾಣೆ ..ಆದರೆ ನಾ ಮಾತ್ರ ನಿನ್ನಲ್ಲಿ ಕಳೆದೇ ಹೋಗಿದ್ದೇನೆ ..ಹುಡುಕ ಹೊರಟರೂ ಸಿಗುವುದಿಲ್ಲಾ ಬಿಡು ...
ಹೀಗೊಬ್ಬ ಗೆಳೆಯನ ನಿರೀಕ್ಷೆ ಮಾಡಿರಲಿಲ್ಲ ..ಅನಿರೀಕ್ಷಿತವಾಗಿ ಮಾತನಾಡಿದ್ದೆ ಅವತ್ತಿನ ಸೋನೇ ಮಳೆಯಲ್ಲಿ ..ಬೆಚ್ಚಗಿನ ಕೊಡೆ ಹಿಡಿದಿದ್ದೆ ತೊಯುತ್ತಿದ್ದ ಹುಡುಗಿಗೆ ..ಆತ್ಮೀಯನಾದೆ ..ಕಡೆಗೊಂದು ದಿನ ಮುದ್ದು ಮುದ್ದಾಗಿ propose ನೂ ಮಾಡಿದ್ದೆ ..

'whenever you look into my eyes ,i forgot everything..
you made me to think of you hundred times a day
yes,im here to confess my love
I want to feel the warmth of your hand in the evening breeze
Iwant to feel the rain drop slowly sliding from your face..
Tell me dear ..will you be mine forever?'

 ಕಳೆದ ಇದೇ ದಿನ ಸಮುದ್ರ ದಂಡೆಯಲ್ಲಿ ನಿಂತು ಮಂಡಿಯೂರಿ ಹೀಗೆ ಕೇಳಿದ್ದೆ ...ನನ್ನೊಲವು ,ಪ್ರೀತಿ ಎಲ್ಲವೂ ನೀನಾಗಿದ್ದೆ ...

ಹುಚ್ಚು ಕೋಡಿ  ಮನಸು ಅದು ಹದಿನಾರರ  ವಯಸು ..ಹದಿನಾರು ದಾಟಿ ಬದುಕು ಕಟ್ಟಿಕೊಂಡ ಮೇಲೂ ಹರೆಯದ ಪ್ರೀತಿಯ ಪ್ರವಾಹ ಹೀಗೆಯೇ ಇದೆ ..ಸಾಗರ ಸೇರುವ ನದಿಯಂತೆ ಈ ಮನಸ್ಸಿಗೆ ನಿನ್ನ ಸೇರುವ ತವಕ ..ನಿನ್ನ ಮಡಿಲಲ್ಲಿ ಮಗುವಾಗಿ ಜಗವ ಮರೆವ ಬಯಕೆ ..ಹೀಗೆ ಹತ್ತಾರು ಆಸೆ ..ನೂರೆಂಟು ಕನಸು ಕಣೋ .....ಅದೇನೂ  ಮೋಡಿ  ಮಾಡಿದ್ದೀಯೋ ನಾ ಕಾಣೆ  ..ಮಗಳ ಬಗ್ಗೆ ಕೇಳೋಕೂ ಮುಂಚೆ ನಿನ್ನ ಬಗ್ಗೆ ಕೇಳುತ್ತಾರೆ ಅಪ್ಪ ಅಮ್ಮ ..ಇದೊಂದು ಮಧುರ ಹೊಟ್ಟೆಕಿಚ್ಚು ನಿನ್ನ ಮೇಲೆ


        ಸಮುದ್ರ ತೀರದಲ್ಲಿ ಅಲೆಗಳಿಗೆ ಮುತ್ತಿಕ್ಕುತ್ತಾ ಕಂಡ ಕನಸುಗಳಿಗೆ ಲೆಕ್ಕಾನೆ ಇಲ್ಲ ..ಜೊತೆಯಾಗಿ ನಕ್ಕಿದ್ದೆಷ್ಟೋ ,ಕೂಡಿ  ಹರಟಿದ್ದೆಷ್ಟೋ ...ನನ್ನೀ ಹುಸಿಮುನಿಸಿಗೆ ನಿನ್ನ ಒಲವೇ ಉತ್ತರ .. ಅವತ್ತು ನೀ ಕಣ್ಣಲ್ಲಿ ಕಣ್ಣಿಟ್ಟು 'ಜೀವದ ಗೆಳತಿ ..ಜೀವನದ ಸಂಗಾತಿಯಾಗು ಬಾ ' ಎಂದು ಪ್ರೀತಿಯಿಂದ  ಆಮಂತ್ರಿಸಿದಾಗ ಸಣ್ಣಗೆ ಕಂಪಿಸಿದ್ದೆ .. ಪ್ರೀತಿ ನೀನು ಕಣೋ ..ನಿನ್ನ  ತೋಳಿನಲ್ಲಿ ಮಲಗಿ  ನಕ್ಷತ್ರ ಎಣಿಸುತ್ತಾ ನನ್ನ ಚಂದಿರ ನೀನು ಅಂದಿದ್ದು ..ಮತ್ತೆ  ಈ ರಾತ್ರಿಯ ನೀರವತೆ ನಿನ್ನ ಕನವರಿಕೆಯನ್ನ ಜಾಸ್ತಿ ಮಾಡಿದೆ ..ನನ್ನಿಂದ ಆರೆಂಟು ತಾಸಿನ  ದೂರ ಇರುವ ನಿನ್ನೊಲವಿಗೋ ಹೀಗೆಯೇ ಅನಿಸುತ್ತಿದೆ ಎಂದು ಗೊತ್ತು ಗೆಳೆಯಾ .. ನಿನ್ನೆಡೆಗಿನ ವ್ಯಾಮೋಹ ದಿನೇ ದಿನೇ ಪ್ರೀತಿಯ ಪರವಶೆಯಲ್ಲಿ ತೋಯುತ್ತಿದೆ ..ಮಲಗಬೇಕೆಂದು ಹಾಸಿಗೆ ಸೇರಿದವಳಿಗೆ ನಿದ್ದೆ ಮಾಡೋಕೂ ಬಿಡ್ತಿಲ್ಲಾ ನೀನು ..
ನೆನಪುಗಳ ಬೆಚ್ಚಗಿನ ಹಾಸಿಗೆಯಲ್ಲಿ ಮಲಗಿ ಮಧುರ ಕನಸ್ಸೊಂದನ್ನು ಕಾಣಬೇಕಿದೆ ...
ನಿನ್ನ ಬಿಸಿಯುಸಿರಿಗೆ ನನ್ನೀ ಮುಂಗುರುಳು ನಾಚಿ ನೀರಾದ ಭಾವ ..ಕೆಂಪಾದ ಕೆನ್ನೆಗೇನೋ ಹಿತವಾದ ಭಾವ ..ಗಲ್ಲದಂಚಿನ ಮಚ್ಚೆಯ ಸವರಿ ಮೆಲ್ಲಗೆ ಮುತ್ತಿಟ್ಟ ಭಾವ ...

ಅಂದು ನೀನಾಡಿದ ಈ ಪಿಸು ಮಾತಿಗೆ ಮತ್ತೆ ನಿದ್ದೆಗೆ ಜಾರಬೇಕೆಂದು ಅನಿಸುತ್ತಿದೆ ಗೆಳೆಯ ...

  ' ಕಣ್ಮುಚ್ಚು ನನ ಗೆಳತಿ 
                     ಕನಸಲ್ಲಿ ಬರುವೆ ...
     ನಿದ್ದೆಯಲೂ ನಾಚಿ ಕೆಂಪಾಗುವ ನಿನ ಮೊಗವಾ ಕಂಡು
                                  ನಾ ಜಗವಾ ಮರೆವೆ .....'

ನಿನ್ನ  ಪ್ರೀತಿಯನ್ನ ಪ್ರೀತಿಯಿಂದ  ಜತನ ಮಾಡುತ್ತಾಳೆ ಈ ನಿನ್ನ ಪ್ರೀತಿ ...
                                                        ಪ್ರೀತಿಯ ಭರವಸೆಯೊಂದಿಗೆ ...
                                                                                        ಪ್ರೀತಿಯ ನಿನ್ನವಳು ...

ಮನವೆಂಬ ಗುಜರಿಯಲ್ಲಿ ..ಹಳೇ ಪ್ರೀತಿ

  ಭಾನುವಾರದ ಹತ್ತು ಗಂಟೆ ....ಇನ್ನೂ ಮಲಗೇ ಇದ್ದೆ ..ಅಷ್ಟರಲ್ಲಿ ಹಳೇ  ಪಾತ್ರೆ ,ಹಳೇ ಪ್ಲಾಸ್ಟಿಕ್ ,ಹಳೇ ಪೇಪರ್ ,ಕೇಜಿಗೆ ೫ ರುಪಾಯಿ ಎಂಬ ಖಾದರ್ ಸಾಬನ ಸುಪ್ರಭಾತ  ಎಚ್ಚರಿಸಿತ್ತು ....
'ಮೊಗೆ ಮೊಗೆದು   ಕೊಡೋಕೊಂದಿಷ್ಟು ಪ್ರೀತಿ ಇದೆ  ..ಕೆಜಿಗೆ  ಎಷ್ಟ್ ಕೊಡ್ತೀಯಾ 'ಎಂದು  ಗೊಣಗಿ  ಮುಸುಕೆಳೆದಿದ್ದೆ !!..
 ನೆನಪನ್ನೂ ಕೊಡವಿ ಎದ್ದಿದ್ದೆ....
.ಮರೆತೇ ಹೋಗಿದ್ದ ಪ್ರೀತಿ (!!)

 ಒಲವಿನ ಗೆಳೆಯಾ ...(ಕೆಲ   ವರ್ಷಗಳ ಹಿಂದೆ )
      ಹಲವು ದಿನಗಳ  ನಂತರ  ಬಂದ ನಿನ್ನ ಈ ಪತ್ರ ಮತ್ತೆ ನಿನ್ನ ನೆನಪನ್ನ  ನೆನಪಿಸುತ್ತಿದೆ . ಆಕಸ್ಮಿಕವಾಗಿ ಬಂದೆ ..ಅನಿರೀಕ್ಷಿತವಾಗಿ ಬಿಟ್ಟು ಹೋದೆ !
ಇಂದು ಮತ್ತೆ ಮರಳುತೀನಿ ಎನ್ನುತ್ತಿದ್ದೀಯಾ ..ಆದರೆ ನಿನ್ನೀ ಪ್ರೀತಿಗೆ ನನ್ನಲ್ಲಿ ಅರ್ಥವಿಲ್ಲ .. ಬದಲು ಅಸಹ್ಯವಿದೆ ...ಪ್ರೀತಿಯೆಡೆಗಲ್ಲ ..ನಿನ್ನೆಡೆಗೂ  ಅಲ್ಲ ..ಗೊಂದಲದ ಜಾತ್ರೆ
ಕ್ಯಾಂಪಸ್ ನಲ್ಲಿ ಕೈ ಕೈ ಹಿಡಿದು ಓಡಾಡಿದ್ದು ,ಜೊತೆಯಾಗಿ ಹರಟಿದ್ದು ಒಂದಾಗಿ ನಕ್ಕಿದ್ದು ...ಮಾಡಿದ ಹಟಕ್ಕೆ ಜೊತೆಯಾಗಿ ಕಂಡ ಕನಸುಗಳಿಗೆ ಲೆಕ್ಕಾನೆ ಇರಲಿಲ್ಲ ಅಂದು ..
ಸಮುದ್ರ ತೀರದಲ್ಲಿ ನಿನ್ನ ತೋಳಿನಲ್ಲಿ ತಲೆಯಿರಿಸಿ ಮರೆಯಾಗುವ ಸೂರ್ಯನನ್ನು ನೋಡಿ ಮೈ ಮರೆತಿದ್ದು ..ಆ ಬೆಳಕಿನಲ್ಲಿಯೇ ಅಲ್ವಾ 'ನಿನ್ನ ತೋಳಿನಲ್ಲಿ ಸಾವು ಕೂಡಾ ಸಹನೀಯ ಮುದ್ದು 'ಎಂದಿದ್ದು ..!!
ಇವತ್ತಿಗೂ ಅವತ್ತಿಗೂ ಒಂದೇ ವ್ಯತ್ಯಾಸ
ಅಂದು ನಿನ್ನ ಬೆಚ್ಚಗಿನ ತೋಳಿತ್ತು ..ಇಂದು ನಿನ್ನ ಬೆಚ್ಚಗಿನ ನೆನಪಿದೆ .. ಅಷ್ಟೇ ..ಎಲ್ಲದಕ್ಕೂ ಅಳುವ ,ಹಠ ಮಾಡುವ ನಿನ್ನ ಹಳೆಯ ಮುದ್ದು  ನಾನಲ್ಲ ..ಇಷ್ಟೊಂದು ಗಟ್ಟಿಗಳನ್ನಾಗಿ ಮಾಡಿದ ನಿನ್ನೀ ಉಪಕಾರಕ್ಕೆ  ಧನ್ಯವಾದ ..

ಮನಸ್ಸು ಸಂತೆಯಾಗಿದೆ ..ಬರಿಯ ಗುಜರಿ ವಸ್ತುಗಳೇ ಜಾಸ್ತಿ ..ಬಹುಪಾಲು ನೀನು  ಬಿಟ್ಟು ಹೋದ (ಕೊಟ್ಟು ಹೋದ )ನೆನಪುಗಳು ಗುಜರಿ ಸೇರಿವೆ ..
                                                                  
   
ಕೆಲ ಮಧುರ ನೆನಪುಗಳು , ಕನವರಿಕೆಯ ಕನಸುಗಳನ್ನ ಜತನದಿಂದ ಎತ್ತಿಟ್ಟಿದ್ದೆ ಕೆಲ ದಿನಗಳ ಹಿಂದೆ ...ಬದಲಾದ ಕಾಲದೊಂದಿಗೆ ಅವೂ ಮೂಲೆ ಸೇರಿವೆ ..ಧೂಳಾದ ಮನದ ಗೋದಾಮಿನಲ್ಲಿ ಅವುಗಳನ್ನ ಹುಡುಕಿ ತೆಗೆಯಬೇಕಾದ ಜರೂರತ್ತೂ ಇಲ್ಲ ನಂಗೆ .ಗುಜರಿಯವನೂ ತೆಗೆದು ಹೋಗದಷ್ಟು ಹಾಳಾಗಿ ಹೋಗಿದೆ ಮನವಿಂದು  ..ಧೂಳು ಹಿಡಿದ ಮನ ,ಜಡಗಟ್ಟಿದ ಮನಸ್ಸು ,ಎಲ್ಲಿ ನೋಡಿದರಲ್ಲಿ ಜೇಡ ಬಲೆ ..!!ಬಿಡಿಸಲಾರದಷ್ಟು ಸಿಕ್ಕು ..ಸುಂದರ ಸೌಧವಾಗಬೇಕಿದ್ದ ಮನವಿಂದು ತುಂಬಲಾರದಷ್ಟು ಗುಜರಿ ನೆನಪುಗಳೊಂದಿಗೆ ದೊಡ್ಡ ಗುಜರಿಯಾಗಿದೆ ಈಗಷ್ಟೇ ಮಗುಚಿಬಿದ್ದ ಪ್ರೀತಿ (ಬಹುಷಃ ನಾ ನಾಮಕರಣ ಮಾಡಿದ್ದು !)ಯೊಂದಿಗೆ
ಹರೆಯದ ಪ್ರೀತಿ ನಿಜವಲ್ಲ ಎಂದು ಸಾಬೀತು ಮಾಡಿದ್ದೆ ಅವತ್ತು ..ನಿನಗೀ ಪ್ರೀತಿ ಒಂದು ಆಟ ಆಗಿರಬಹುದು ಗೆಳೆಯಾ ..ಆದರೆ ನನಗಿದೇ ಜೀವ ...ಜೀವನ ..ಬದುಕು ಕೂಡಾ ...ಆ ಹರೆಯದ ಪ್ರೀತಿಯೇ ನನ್ನ ಕನಸು ...ಕಲ್ಪನೆ ...ವಾಸ್ತವ ಕೂಡಾ !!..
ನಿನ್ನ ಹಳೆಯ ಪ್ರೀತಿಯ ನೆನಪಿನೊಟ್ಟಿಗೆ ಇದ್ದು ಬಿಟ್ಟೇನೂ ..ಆದರೆ ಪ್ರೀತಿಯ ಪರಿಶುದ್ದ ಮನಸ್ಸಿಗೆ ತೇಪೆ ಹಚ್ಚಿ ,ಪರಿಸ್ತಿತಿಯ ಅನಿವಾರ್ಯ ಅಂತೆಲ್ಲಾ ಸಬೂಬು ಹೇಳಿ ಹೋದ ನಿನ್ನೊಟ್ಟಿಗೆ ಮತ್ತೆ ಬರಲೊಲ್ಲೆ ನಾನು ..ಒಂದು ಸಲ ಕೊಟ್ಟು ಇನ್ನೊಮ್ಮೆ ವಾಪಾಸ್ ಪಡೆಯೋಕೆ ನನ್ನ ಪ್ರೀತಿ ವ್ಯವಹಾರವಲ್ಲ ..ಮೊಗೆ ಮೊಗೆದು ಕೊಡೊ ಅಷ್ಟು ಒಲವು ಹೊಂದಿದ್ದ ನನ್ನ ಪ್ರೀತಿ ನಿನ್ನ calculated quantity ಯ ಪ್ರೀತಿ (?)ಗೆ ಸಮ್ಮತಿಸಬಾರದಿತ್ತು ಕಣೋ ..
ಬದುಕು ನಡೆಸಲು ನೀ ಕೊಟ್ಟ ಹಳೇ ಪ್ರೀತಿ ಇದೆ ..ಅದರೊಟ್ಟಿಗೆ ಸಾಗಿದೆ ಪಯಣ ..ಭಾವನೆಗಳ ಜೊತೆ ಆಟ ಆಡದಿರು ..ಕಳೆದ ನೆನಪುಗಳು ಬರಿಯ ನನ್ನ ಮತ್ತು ನನ್ನ ಪ್ರೀತಿಯದ್ದು ಮಾತ್ರ ..
                       ನಿನಗಿದು ಸಂಭಂದಿಸಿದ್ದಲ್ಲ ......!!
.ಗುಜರಿಯಾದ ಮನದಲ್ಲಿ ನಿನ್ನ ಗುಜರಿ ಮುಖವಾಡಕ್ಕೆ ಜಾಗವಿಲ್ಲ ...ಮನದ ಬಾಗಿಲು ಮುಚ್ಚಿದೆ ಎಂಬುದು ತಿಳಿದಿರಬಹುದು ..ಹಾಗೆಯೇ ಮುಂದೆ ಸಹ ಹೋಗಬಹುದು ನೀ ...

ನಿಮ್ಮ ಆತ್ಮೀಯತೆಗೊಂದು ಸಲಾಮ್

ಬೆಳೆಗ್ಗೆ ಬೆಳಿಗ್ಗೆ exam !...BE ಲೈಫ್ ನಾ ಮೊದಲ ಪರೀಕ್ಷೆ ಬರೆಯ ಹೊರಟಿದ್ದೆ ..ಪರೀಕ್ಷೆ ಆದ್ರೂ daily routine ನಾ ಹೆಂಗೆ ಬಿಡೋಣಾ ಹೇಳಿ ?..ಫೇಸ್ ವಾಷ್ ಮಾಡೋಕೂ ಮುಂಚೆ ಫೇಸ್ ಬುಕ್ ನೋಡ್ಬೇಕು ..ದೇವ್ರಿಗೆ ಹಾಯ್ ಹೇಳೋಕೂ ಮುಂಚೆ ಫೇಸ್ ಬುಕ್  ಗೆ ಗುಡ್ ಮಾರ್ನಿಂಗ್ ಹೇಳಬೇಕಲ್ವಾ ?..ಹಂಗೇನೆ ನಿನ್ನೇನೂ ಬೆಳಿಗ್ಗೆ ೪ ಕ್ಕೆ ಸಿಸ್ಟಮ್ ಆನ್ ಆಗಿತ್ತು!
ಒಂದಿಪ್ಪತ್ತು notifications ,ಒಂದೈವತ್ತು messages ಗಳು ಅಣುಕಿಸುತ್ತಿತ್ತು .
ಯಪ್ಪಾ ..ಇದೇನಪ್ಪಾ ಅಂದುಕೊಂಡೆ ..ಆಮೇಲೆ ನೆನಪಾಗಿದ್ದು ..ನಂಗೂ ಹದಿನೆಂಟ್ ಆಯ್ತು ನಿನ್ನೇಗೆ ಅಂತ .೦ ೦
ಮರೆತೇ ಹೋಗಿತ್ತು ನೋಡಿ ..ಪರೀಕ್ಷೆಯ ಕಾರುಬಾರಿನಿಂದ mobile ಎಂಬ ಮುದ್ದು ಗೆಳೆಯ silent  ಆಗಿದ್ದ ೨ ದಿನದಿಂದ !..ಕಷ್ಟ ಪಟ್ಟು ಸೈಲೆಂಟ್ ಮಾಡಿದ್ದೆ ಬಿಡಿ .

'ಗೆಳೆತನ 'ದ ಮೊದಲ ಆತ್ಮೀಯತೆಯನ್ನು ತೋರಿಸಿದ್ದ ಗೆಳತಿ ಅರ್ಚನಾ ಮಾಡಿದ್ದ wishes ಗೆ ಕಣ್ಣಲ್ಲಿ ಮಾತು ಬಂದಿತ್ತು .this is the sentiment i have with u dear friend..!!
ನಿನ್ನ ಪರ್ಮಿಷನ್ ಕೇಳದೇ ನಿನ್ನ ಮಾತುಗಳನ್ನ ಇಲ್ಲಿ ಜೋಪಾನ ಮಾಡುತ್ತಿದ್ದೇನೆ ..sorry ಕೇಳು ಅನ್ಬೇಡ .. ನಾನ್ ಕೇಳಲ್ಲ..


'ನಲ್ಮೆಯ ಗೆಳತೀ ...
ಐದಾರು ತಿಂಗಳುಗಳೇ ಕಳೆದು ಹೋತು ನಿನ್ನ ನೋಡಿ !!..ದಿನಪೂರ್ತಿ ಹರಟಿದ್ದು ,ಜೊತೆಯಾಗಿ ನಕ್ಕಿದ್ದು,ಕುಣಿದಿದ್ದು ,ನಲಿದಿದ್ದು ..ಎಲ್ಲಾ ಮೊನ್ನೆ ಮೊನ್ನೆ ಅಂತಿದ್ದು ..ವಾಸ್ತವ ಮರೆತು ನಿನ್ನೊಟ್ಟಿಗೆ ಗತದಲ್ಲೇ ಇರುವ ಬಯಕೆ ನಂದು !ಹಮ್ ...ಮುಂದೆ ಹೋಗ್ಲೇ ಬೇಕು ..ಜೀವ್ನಾ ನೋಡ್ಲೆ ಬೇಕು ..ಅಲ್ವಾ ?
ಇಲ್ಲಿ ಪಾನಿಪುರಿ ತಿನ್ನೋವಾಗ , ಮಸ್ತಿ ಮಾಡುತ್ತಿರೋ ಫ್ರೆಂಡ್ಸ್ ಗ್ರೂಪ್ ಕಂಡಾಗ ,boaring lectures ಕೇಳೋವಾಗ ..ದಿನಕ್ಕೊಮ್ಮೆ ಆದ್ರೂ ನೆನಪಾಗ್ತೀಯಾ ..ಅದ್ಯಾವ ಪರಿ ಮನದೊಳಗೆ ಇಳಿದ್ಯೋ ನಾ ಕಾಣೆ ..
hischool ಮೊದಲ ದಿನದಿಂದ ಹಿಡಿದು  ಮುಗ್ಯೋ ತನಕ ನಾವ್ ಮಾಡಿರೋ ಮಸ್ತಿ ಗೆ ಲೆಕ್ಕಾನೇ ಇಲ್ವಲ್ಲೆ ಕೂಸೇ ..ಕಾರಿಡಾರ್ ನಲ್ಲಿ juniars ಎದ್ರು dummy ಮಾಡೋದು ,ನಾಟಕ ,ಪ್ರಾಕ್ಟೀಸ್ ,ಸ್ಪೋರ್ಟ್ಸ್ ,ಅದೂ ಇದು ಅಂತ  ಕ್ಲಾಸ್ ಬಂಕ್ ಮಾಡೋದು ...ಪಕ್ಕಾ ಹುಡುಗರ್ ತರಾನೇ ಆಡ್ತಿದ್ವಿ ..ನಿದ್ದೆ ಬಂದ್ರೆ ಎಳ್ಸು ಅಂತ ಫಸ್ಟ್ ಬೆಂಚ್ ನಲ್ಲೆ ನಿದ್ದೆ ಮಾಡ್ತಿದ್ದಿದ್ದು ,ಸುಮ್ನೆ ನಿಂಗೆ smile ಮಾಡೋ ಹುಡುಗರ ಹೆಸರು ಹೇಳಿ ದಿನಪೂರ್ತಿ ಕಾಲೆಳೆದು ಗೋಳು ಹೊಯ್ಕೊಳೋದು almost language ಕ್ಲಾಸ್ ಗಳು ಕ್ಯಾಂಟೀನ್  ನಲ್ಲಿ! ..ನೀ ಮಾತಾಡೋಕೆ ಸಿಗೋದೆ ಆಗ ಮಾತ್ರ ..
ಇದೆಲ್ಲಾ ಗೋಲ್ಡನ್ ಡೇಸ್ ಅಂತಾರಲ್ಲ ಅದು ..ಪ್ರತಿ ದಿನ ಕಳೆದ ಮೇಲೆ save changes ಅನ್ನೋ option  ಇದ್ದಿದ್ರೆ  ಎಷ್ಟು ಚಂದ ಇರ್ತಿತ್ತು ಅಲ್ವಾ ?

ಈಗ ಇದ್ಯಾವ್ದು  ಇಲ್ಲ .ಬರಿಯ ಫೇಸ್ಬುಕ್ ,ಫೋನ್ ,skype ಇಷ್ಟೇ ನಿನ್ನ ಭೇಟಿಯ ಡೆಡ್ end ...ಅದೂ ತೀರಾ ಅಪರೂಪ ..ಆದ್ರೂ ಬಿಟ್ಟಿಲ್ಲ ನಿನ್ನ ನಾ ..ಒಂದೇ status ನಲ್ಲಿ ೧೦೦ ಕಾಮೆಂಟ್ಸ್ ಮಾಡೋ ಅಷ್ಟು  ತರಲೆ !ಕಾಲು ಎಳ್ಯೋ ರೇಂಜ್ ಗೆ ಉದ್ದ ಮಾತ್ರ ಅಲ್ಲ ಅಲ್ಲ ..ಸ್ವಲ್ಪ ದಪ್ಪಾನೂ ಆಗಿದ್ದೀಯಾ ..ಇನ್ನೂ ಚಾನ್ಸ್ ಇದೆ ಎಳ್ಯೋಕೆ ..ನಿನ್ನ ಒಲವು ,ನಲಿವು ,ಒಂದು ಮುಗುಳ್ನಗು ,ಒಂದು ಕಂಬನಿಯ ಮೌನದ ಮಾತನ್ನು ನೋಡಿದ ಮೇಲಂತೂ ಬರಿಯ ಗೆಳತಿಯಾಗಿ ಉಳಿದಿಲ್ಲ ..!ಹುಡುಗ ಆಗಿದ್ರೆ ನಿಜವಾಗ್ಲು ನನ್ನೀ ಗೆಳತಿಗೆ propose ಮಾಡ್ತಿದ್ದೆ ..ಹಾ ಹಾ .

ಆದ್ರೂ ನೀನ್ ತುಂಬಾ careless ಕಣೆ ...ಅದೆಷ್ಟು ಮರೆವು ನಿಂಗೆ ..ನೆನಪಿಗೆ ಬಂದಾಗಲೆಲ್ಲಾ ಮುಖದಲ್ಲೊಂದು smile ಬಿಟ್ಟೆ ಹೋಗ್ತೀಯಾ ...!!
really missing a friend like u BHAGO ..
ಪ್ರೀತಿಯ ಗೆಳತಿ ..
ಮತ್ತೊಮ್ಮೆ ಜನುಮ ದಿನದ ಶುಭಾಷಯಗಳು ..
ಚಿರಾಯುವಾಗು "


ಗೆಳತಿ ...ನಿಜಕ್ಕೂ ಟೈಪ್ ಮಾಡೋವಾಗ್ಲೂ ಕಣ್ಣ ಹನಿಗಳು ಇದನ್ನ ಮಬ್ಬಾಗಿಸ್ತಿದೆ ..ನಿನ್ನೀ ಆತ್ಮೀಯತೆ  ,ಸ್ನೇಹಕ್ಕೆ ಎನೇನ್ನಬೇಕೋ ತಿಳಿದಿಲ್ಲಾ ..badly missing you ..
ಇಬ್ಬರಿಗೂ ಬದುಕು ಕಟ್ಟಿ ಕೊಳ್ಳುವ ಕಾತರ ನೋಡು ..


ನಿಂಗೊತ್ತಾ ಗೆಳತಿ ನನ್ನೀ ಬ್ಲಾಗ್ ಲೋಕ ಅದೆಷ್ಟೋ ಆತ್ಮೀಯರನ್ನು ನನ್ನವರನ್ನಾಗಿಸಿದೆ ..ಬರವಣಿಗೆ ಚೆನಾಗ್ ಇಲ್ದೆ ಇದ್ರೂ ಬೆನ್ನು ತಟ್ಟೋ ಅಣ್ಣಂದಿರಾದ ಪ್ರಕಾಶ್ ಜಿ ,azaad ಸರ್ ,ಚಿನ್ಮಯಣ್ಣ ,ಶ್ರೀಕಾಂತ್ ಜಿ, ಶ್ರೀವತ್ಸ ,ಬಾಲು ಸರ್,ಬದರಿ ಸರ್ ,ಪ್ರಶಸ್ತಿ ,ವಿಜಯ್ ಜಿ ..ಇನ್ನೂ ತುಂಬಾ ಮಂದಿ ..ಇವರ ಪ್ರೋತ್ಸಾಹ ಯಾರನ್ನಾದ್ರು ಹುರಿದುಂಬಿಸುತ್ತೆ ...
ನಂಗೆ ಮೊದಲ wishes ಯಾರದು ಗೊತ್ತಾ ..ಪುಟ್ಟಿ ಅಂತಾನೇ ಕರಿತಾರೆ ..ಒಂದ್ ಸಲ ಮಾತಾಡಿದ್ರೆ ಆತ್ಮೀಯರು ಅನ್ನಿಸದೆ ಇರಲ್ಲ ..ನೋಡು .ನನ್ನೆಲ್ಲ ಮಾತಿಗೂ ಇವರದ್ದೊಂದು ಆತ್ಮೀಯ ಪ್ರತಿಕ್ರಿಯೆ ಕಾದಿರುತ್ತೆ ..ನೀನೆ ನೋಡು ಶ್ರೀಕಾಂತ್ ಅಣ್ಣನ ಮಾತನ್ನ ...ನಿಜಕ್ಕೂ ಮನ  ತುಂಬಿ ಬಂದಿತ್ತು ..

"
ಮತ  ಹಾಕಲು ಆಗಬೇಕು ಹದಿನೆಂಟು
ಅಲ್ಲಿಯ  ತನಕ ಸುಮ್ಮನೆ ತಿನ್ನಬೇಕು ಪೆಪ್ಪರಮೆಂಟು 
ಮನೋರಮೆಯಲ್ಲಿ ಇರಬೇಕಾದ ಪುಟ್ಟಿ
ಮಾಯ್ನೋರ್ಮನೆಯ ಭಾಗ್ಯಲಕ್ಷ್ಮಿಯಾಗಿ
ಬ್ಲಾಗಿನಲ್ಲಿ ಭಾಗ್ಯೋದಯಿಸಿರುವ
ಭಾಗ್ಯಾ ಪುಟ್ಟಿ ಹುಟ್ಟು ಹಬ್ಬದ ಶುಭಾಶಯಗಳು
ನಿನ್ನ ಎಲ್ಲಾ ಕನಸುಗಳು ನನಸಾಗಲಿ
ನನಸುಗಳೆಲ್ಲಾ ಸೊಗಸಾಗಲಿ
ಆ ಸೊಗಸಿನಲ್ಲಿ ಪದಗಳ ಭಾವ ಲಹರಿ  ಹರಿಯಲಿ "

ಶ್ರೀಕಾಂತ್ ಜಿ ನನ್ನೆಲ್ಲಾ ಭಾವಕ್ಕೆ ಪ್ರೋತ್ಸಾಹಿಸಿದ್ದೀರಿ ...ಈ ಪ್ರೋತ್ಸಾಹ ನಿರಂತರವಾಗಿರಲಿ ..ತುಂಬಾನೇ ಖುಷಿ ಆಯ್ತು .


ಸ್ವೀಟ್ teen ಮುಗೀತು ಗೆಳತಿ ..ಮುಂದಿನದೆಲ್ಲಾ ಬರಿಯ ಜವಾಬ್ದಾರಿಗಳು ಎಂಬುದನ್ನ ಸೂಕ್ಷ್ಮವಾಗಿ ತಿಳಿಸಿದಂತಿದೆ ..
you both made maa  ಡೇ ..ಹರಸಿ ಹಾರೈಸಿ ಶುಭಾಶಯವನ್ನಿತ್ತ ಎಲ್ರಿಗೂ ಇಲ್ಲಿಂದ ಧನ್ಯವಾದ ಹೇಳ ಹೊರಟಿದ್ದೇನೆ ...

ಇನ್ನೊಂದು ತಿಂಗಳು ಬರಿಯ exam ಗಳದ್ದೇ ಕಾರುಬಾರು ..ರೂಟೀನ್ ಚೇಂಜ್ ..ಪುಸ್ತಕಗಳ ಜೊತೆ ಇನ್ನಾದ್ರು ಮಾತಡ್ಲೇ ಬೇಕು ..ಕಷ್ಟ ಸುಖ ಮಾತಾಡ್ಕೊಂಡು ಮತ್ತೆ ವಾಪಸ್ ಆಗ್ತೀನಿ ಇನ್ನೊಂದು ತಿಂಗಳಲ್ಲಿ ..

ಹಂಗೆ ಸುಮ್ನೆ ಒಂದ್ wish ಮಾಡ್ಬಿಡಿ exam ಚೆನಾಗ್  ಆಗ್ಲಿ ಅಂತ ..


ಮತ್ತೆ ಸಿಗೋಣಾ ....

ನೀನ್ಯಾರೋ ಹುಡುಗಾ ...?!

ತುಂಬಾ ದಿನದಿಂದ ಇದೊಂದು ಪ್ರಶ್ನೆ ತಲೆ ತಿನ್ನುತ್ತಿತ್ತು ಗೆಳೆಯಾ ..ಯಾರೆದುರಿಗೋ ನನ್ನ ಕಣ್ಣೀರನ್ನು ಹಂಚಿಕೊಂಡಿರಲಿಲ್ಲ .ಆದರೆ ಅಂದು ಅಮ್ಮ ಬೇಕು ,ತುಂಬಾನೇ ನೆನಪಾಗ್ತಾ ಇದಾಳೆ ಎಂದು ಪಾಪು ತರ ಹಠ ಮಾಡಿದ್ದೆ ನಿನ್ನೆದುರು .ಆ ರಾತ್ರಿ ಅದೆಷ್ಟು ಸಮಾಧಾನಿಸಿದ್ದೆ ನೀ !!...
ಅವತ್ತೇ ಅಂದುಕೊಂಡಿದ್ದು ,ನನಗೆ ನಿನ್ನೊಟ್ಟಿಗಿರುವುದು ಬರಿಯ ಸ್ನೇಹವಲ್ಲ ..ನನ್ನ ಒಲವಿಗೆ ಕಣ್ಣ ಹನಿಗಳು ಸಾಕ್ಷಿಯಾಗಿತ್ತು .
ಈಗಲೂ ರೆಗಿಸ್ತೀಯಾ 'ಇವತ್ತು ಅಮ್ಮ ಬೇಡ್ವೆನೇ ನಿಂಗೆ .,ಮದ್ವೆ ಆದಮೇಲೆ ಏನ್ ಮಾಡ್ತೀಯಾ ?ಪಾಪ ಕಣೆ ನಿನ್ ಹುಡುಗ .ಸ್ವಲ್ಪ ಅವ್ನಿಗೂ ಪ್ರೀತಿ ಗೀತಿ ತೋರ್ಸು 'ಅಂತೆಲ್ಲಾ..  ನಕ್ಕು ಸುಮ್ಮನಾಗಿದ್ದೆ .ಈಗ ಗೊತ್ತಾಗಿದೆ ಗೆಳೆಯ  ನನ್ನ ಹುಡುಗನ ಬಗ್ಗೆ ನಿನಗ್ಯಾಕೆ ಅಷ್ಟೊಂದು ಕೇರ್ ಎಂದು !

ನೆನಪಿದ್ಯಾ ನಿಂಗೆ ..  ಅಂದು campus ನಲ್ಲಿ rag ಮಾಡಿದ್ದಾಗ ನಾ ಮಾಡಿದ್ದ ಸಿಟ್ಟು ..ತಪ್ಪನ್ನಿಟ್ಟುಕೊಂಡು sorry ಕೇಳದ ನಿನ್ನ ಮೇಲೆ ಮುನಿಸಿಕೊಂಡಿದ್ದೆ .ನಿನ್ನ attitude ನಾ ಮೊದಲ ಪರಿಚಯ ಆಗಿತ್ತು ಅವತ್ತು .. ಅಮ್ಮ ಫೋನ್ ಮಾಡಿ ಮಗನ ಕಿಲಾಡಿಗಳಿಗೆ sorry ಅಂದಿದ್ದರು .'ಬೇಸರಿಸದಿರು ಪುಟ್ಟಿ ,ನನ್ನ ಮಗ ಸ್ವಲ್ಪ ತುಂಟ ..ನಿನ್ನೆ ನಿಂಗೆ rag ಮಾಡಿದ್ದು ,ನೀನು ಬೇಸರಿಸಿದ್ದು ಎಲ್ಲಾ ತಿಳಿಯಿತು .ನಿನ್ನ ಬೇಸರ ಅವನಿಗೂ ಬೇಸರ ತಂದಿದೆ ,'ಎಂದೆಲ್ಲಾ ನಿನ್ನ ಬಗ್ಗೆ ,ನಿನ್ನ attitude .ego  ಗಳ ಬಗ್ಗೆ ತಿಳಿಸಿದ್ದರು ..ನಂತರ ನೀ sorry ಕೇಳಿದ್ದೆ ಬಿಡು !..ಮತ್ತೆ ಸಿಕ್ಕಿತ್ತು ನಿನ್ನ ಸ್ನೇಹ ..
ಒಳ್ಳೆಯ ಗೆಳೆಯನಾದೆ .ಅದೆಷ್ಟೋ ಮಾತುಗಳು ,ಕೀಟಲೆಗಳು ,proposals ಗಳ ಬಗ್ಗೆ ಗಂಟೆಗಟ್ಟಲೆ ಮಾತಾಡುತ್ತಿದ್ದೆವು !.ಅಂದು ನಾ committed ಜನಗಳಿಗೆ ಬೈದು ಲೆಕ್ಚರ್ ಹೇಳಿದ್ದೆ ನಿಂಗೆ ..ಅವರವರ ಜೀವನ ಬಿಡು ..ಯಾರೋ ಅಷ್ಟೊಂದು ಆತ್ಮೀಯತೆ ,ಪ್ರೀತಿ ತೋರಿಸುತ್ತಾರೆ ಎಂದಾಗ ಯಾಕ್ reject ಮಾಡಬೇಕು ಎಂದು ಒಂದೇ ಲೈನ್ ಲಿ ನಿನ್ನ ಅಭಿಪ್ರಾಯ ಮುಂದಿಟ್ಟಾಗ  ನಿಜಕ್ಕೂ ಮೆಚ್ಚಿದ್ದೆ !..
'ನಿನ್ನ BE ಲೈಫ್ ಮುಗಿಯೋ ತನಕ ನಿನ್ನನ್ನು ಯಾವ ಹುಡುಗಿಯೂ ನೋಡೋಕೆ ಬಿಡಲ್ಲ ನಾನು ,ಕ್ಯಾಂಪಸ್ ಲಿ ಕೈ ಕೈ ಹಿಡಿದು ಓಡಾಡೋಕೆ ಆಗಲ್ಲ ನಿಂಗೆ ,no crush ,no touch ,no warmth of love ,ನಿಜವಾಗಲು ಪಾಪ ಅನಿಸ್ತಿದೆ ..ಇದ್ಯಾವ್ದು ಇಲ್ದೆ ಸ್ಟೂಡೆಂಟ್ ಲೈಫ್ ಮುಗಿಸ್ಬೇಕಲ್ವೋ ನೀನು 'ಅಂದಾಗ calm ಆಗಿ ಬೇರೆ ಹುಡುಗಿ ಯಾಕೆ ಮುದ್ದಿನ  ಗೆಳತಿ ನೀ ಇರುವಾಗ ಎಂದು ನನ್ನ ಬಳಿಯೇ ತಂದಿದ್ದೆ !!ಅದೊಂದು ಸಲ ಭಾವುಕನಾಗಿ ಹೇಳಿದ್ದೆ ..ದಿನದಿಂದ ದಿನಕ್ಕೆ ನಿನ್ನನ್ನು ತುಂಬಾನೇ ಹಚ್ಚಿ  ಕೊಳ್ಳುತ್ತಿದ್ದೇನೆ ಗೆಳತಿ ,ನೀನು ಮಾತಾಡದೆ ಮುನಿಸಿಕೊಂಡ ದಿನ ತುಂಬಾನೇ ಬೇಸರ..ಇದಕ್ಕೆ ಏನೆಂದು  ಕರೆಯಲಿ ಹೇಳು  ಅಂತೆಲ್ಲ ಕೇಳಿದ್ದೆ ...ಅವತ್ತು ಖಾತರಿ ಆಗಿತ್ತು ನಿನಗೂ ಒಲವಿದೆ ಎಂದು !..ನೀನೇ  ಹೇಳಲಿ ಎಂದು ಸುಮ್ಮನಾದೆ ..
ತಮಾಷೆ ಜಗಳವಾಗಿ ನನ್ನ  ಕೋಪ ನಿನ್ನ ಸಿಟ್ಟಿಗೆ ಸೇರಿ ದಿನಕ್ಕೆರಡು ಸಲ 'ನಿನ್ನೊಂದಿಗೇನು ಮಾತು ಹೋಗೋ 'ಎಂದು ಎನ್ನುತ್ತಿದ್ದ  ಕಾಲ ಅದು .ಬಹುಶಃ ನಿನಗೂ ನನ್ನೊಲವು ಫೀಲ್ ಆಗಿತ್ತೇನೋ .ಅದೊಂದು ಫೈನ್  ರಾತ್ರಿ ಪ್ರೋಪೋಸೆ ಮಾಡಿದ್ದೆ ನೀ ....

"you have given me life in everything i do,your smile warms my heart when i'm feeling sad or doubting my place in dis world , your words speak about how supportive you are in everything i do,ypur love and care fills me with the motivation i need...
you completed the part of me that i struggle to be perfect within myself,i'm incomplete without you!
dear ...i'm in love ...wid you...and my feelings are more than words can explain...tell me ..wil you b mine ??"
 ದಿನವೂ ರೇಗಿಸುತ್ತಾ ಕಾಲೆಯುತ್ತಿದ್ದ ಗೆಳೆಯ ನೀನೇನಾ?   ಎನಿಸದಿರಲಿಲ್ಲ .. ಹೀಗೆಲ್ಲ ಮಾತಾಡೋಕೂ ಬರುತ್ತೆ ನಿಂಗೆ !!
ಸುಮ್ಮನೆ ಸತಾಯಿಸಿದ್ದೆ ..ಪಾಪ ಕಣೋ ನಿನ್ ಹೆಂಡ್ತಿ ಗೆ ಏನ್ ಹೇಳ್ತೀಯಾ ಆಮೇಲೆ ಎಂದು ..ನನ್ನ ಪ್ರೀತಿ ನೀನು ಕಣೋ .ನಿನಗೂ ಗೊತ್ತು ಅದು ..ನಿನ್ನ ಪ್ರೀತಿ ,ನಾನಿದ್ದೇನೆಂಬ ಪ್ರೋತ್ಸಾಹ ,ಆತ್ಮೀಯತೆಗೆ ಯಾವತ್ತೋ ಕಳೆದು ಹೋಗಿದ್ದೆ  ನಿನ್ನಲ್ಲಿ !!... ಹೇಳಿರಲಿಲ್ಲ ಅಷ್ಟೇ ..
ಈಗಷ್ಟೇ ಬದುಕು ಕಟ್ಟಿಕೊಳ ಹೊರಟಿದ್ದೀಯ ..ನಿನ್ನ ಬದುಕಿನ ಪಾಳುದಾರಲಾಗಿ  ಬಾ ಎಂದು  ಪ್ರೀತಿಯ ಆಮಂತ್ರಣವನ್ನೂ ಕೊಟ್ಟಿರುವೆ !..ಗೆಳತಿ  ಎಂಬುದನ್ನು 'ಮುದ್ದು 'ಎಂದು replace ಮಾಡಿರುವೆ ನನ್ನ permission ಕೆಳದೇನೆ !! ಗೆಳೆಯ ಬೇಸರವಿಲ್ಲ ..ನಾನು ನಿನ್ನವಳು ...ಇಷ್ಟು ಮಾತ್ರ ಹೇಳಬಲ್ಲೆ ,,
i din't felt like this yet...
i don know what it is...
i cant able to say also..
its..
i love u..!
thanks for being mine ..
ಸ್ನೇಹಕ್ಕೊಂದು ನಾಮಕರಣ ಮಾಡಿದ್ದೀಯ ..ಬೆಚ್ಚಗಿನ ಆಪ್ತತೆ ನೀಡಿದ್ದೀ .. ನನ್ನ ಚಂದಿರ ನೀ ..ತಾರೆಗಳ ತೋಟವೇ ನಿನ್ನರಮನೆ ..ನಿನ್ನೀ ಪ್ರೀತಿಯ ನೋಟ ನನಗೊಂದು ಭರವಸೆ ನೀಡಿದೆ ..ಏನೆಂದು ಗೊತ್ತೇ ಗೆಳೆಯಾ ...??
ನೀನೆಂದೂ ನನ್ನವನೆಂದು ....


ಮನದೊಳಗೆ ಹಾದು ಹೋದ ಮಧುರ ಭಾವಕ್ಕೊಂದು ಮಾತು ಸಿಕ್ಕಂತಿತ್ತು ನಿನ್ನೀ ಒಲವು ..

ಬಾಲ್ಯದ ನೆನಪು

day following day...
  ಬಾಲ್ಯ ಕಳೆದೆ ಹೋಗಿದೆ .(ಹುಡುಕೋಣ ಎಂದು !)
ಕಳೆದ ಬಾಲ್ಯದ ನೆನಪು ಮತ್ತೆ ಮತ್ತೆ ಕಾಡ್ತಾ ಇದೆ "
.childrens day " ಕೇಳಿದ್ರೆನೆ ಖುಷಿ .
                       ಹಳ್ಳಿಯ ಶಾಲೆ .ಮನೆಯಿಂದ ಅರ್ಧ ತಾಸಿನ ಹಾದಿ (ದಾರಿ ಎಂದು ಹೇಳಬೇಕಷ್ಟೆ !)
ದೊಡ್ಡ ಹೊಳೆ .ಹೊಳೆಯ ಆ ಕಡೆ ಒಂದು ಪುಟ್ಟ ಶಾಲೆ .ಒಬ್ಬರೇ ಮೇಸ್ಟ್ರು ..ಬೆರಳೆಣಿಕೆಯಷ್ಟು ಮಕ್ಕಳು ...ಅರ್ಧ ಮಳೆಗಾಲ ಶಾಲೆ ರಜಾ ...!ಮನೆಯಲ್ಲಿ ಮಜಾ !
ಒದ್ದೆಯಾಗಿ ಕ್ಲಾಸ್ ನಲ್ಲಿ ಕೂರೋದು ..ಮತ್ತೂ ಮಜಾ ! .ಆ ದಿನಗಳೆಲ್ಲ ಕಳೆದೆ ಹೋಗಿದೆ .ನೆನಪಿನ ಜಾತ್ರೆಯಲ್ಲಿ ಬೆಚ್ಚಗಿನ ಅನುಭವವನ್ನು ಯಾವಾಗಲೂ ಕೊಡೊ ನೆನಪುಗಳಿವು ...ಮರೆಯಲಾರದ childhood days !..
ಸಂಜೆ ಬೆಟ್ಟ ಗುಡ್ಡ ಸುತ್ತಿ ಸಿಕ್ಕ ಸಿಕ್ಕ ಹಣ್ಣುಗಳನ್ನು ತಿಂದು ಮನೆಗೆ ಬರುತ್ತಿದ್ದೆವು ..ಅಮ್ಮ ಮಾಡಿದ ಕಾಫೀ ಕುಡಿದು ಹೋಂ ವರ್ಕ್ ಮುಗಿಸಿ ಅಕ್ಕಂದಿರ ಜೊತೆ ಕಿತ್ತಾಡಿ ಊಟ ಮಾಡಿ ಮಲ್ಗೊದು  ಇಷ್ಟೇ ಕೆಲಸ ಅವಾಗ ...
ಅಜ್ಜ ಹೇಳುತ್ತಿದ್ದ ಕತೆಗಳು ,.ಸಣ್ಣ ಸಣ್ಣ ಜಗಳ ,ಕಿತ್ತಾಟ ,ತುಂಟಾಟ ಎಲ್ಲವೂ ಒಂದು memory  ಮಾತ್ರ .! 
ಈಗಲೂ ಹಬ್ಬದಲ್ಲಿ ಒಂದಾದ ಅಕ್ಕಂದಿರು ತಮ್ಮ ತಮ್ಮ ಬಾಲ್ಯದ ಚೇಷ್ಟೆಗಳನ್ನು ನೆನಪಿಸಿಕೊಳ್ಳುತ್ತಾರೆ ನನ್ನೊಟ್ಟಿಗೆ .ಅದೆಷ್ಟೋ ಬಿದ್ದ ಗಾಯಗಳು ,ದೊಡ್ದವರಾಗುತ್ತಿದ್ದಂತೆ ಮಾಡುತ್ತಿದ್ದ ಸೈಕಲ್ ರೇಸ್ ,ಹೊಳೆ ,ಬೆಟ್ಟ ಗುಡ್ಡದ ಪಯಣ ,ಸಣ್ಣ ಸಣ್ಣ ಪಾರ್ಟಿ ...ಹೀಗೆ ಏನೇನೋ ನೆನಪು ಇವತ್ತು ...ಅವತ್ತಿನ ಗಾಯ ಇಂದಿಲ್ಲ .ಆದರೆ ಕಲೆ ನೋಡಿದಾಗ ಗಾಯ ನೆನಪಾಗಲ್ಲ ಬದಲಾಗಿ ಅಂದು ಮಾಡಿದ್ದ ಕೀಟಲೆಗಳ ಸಾಲೆ ಕಣ್ಣ ಮುಂದೆ ...

ಅಂದ ಹಾಗೆ  ,
ಇವತ್ತು childrens day ಅಂತ ನೆನಪಾದುದ್ದು msg  ಒಂದನ್ನು ನೋಡಿದಾಗ !!! 
"today is world diabeties day because childrens are verryyy sweet "
(ಹೀಗೊಂದು ಮೆಸೇಜ್ ಬಂದಿತ್ತು ತಿಳಿಯದ ನಂಬರ್ ಇಂದ ! ,ಅಂತೆ ಕಂತೆಗಳ ಸಂತೆಯಲ್ಲಿ ಟೆಂಟ್ ಒಂದನ್ನು ಈಗಷ್ಟೇ ಕಟ್ಟುತ್ತಿರುವ ಬಾಲ್ಯದ ಆತ್ಮೀಯ ಗೆಳತಿ ಅರ್ಚನಾ !ಪ್ರೀತಿಯಿಂದ ಬಾಲ್ಯವನ್ನು ನೆನೆಸಿದ್ದಳು !)
ಹೀಗೆ indirect ಆಗಿ ವಿಶ್ ಮಾಡುವವರು ಯಾರಿರಬಹುದೆಂದು ತುಂಬಾ ಯೋಚಿಸಿ ಆಮೇಲೆ ಹೊಳೆದಿದ್ದು ಈ ಗೆಳತಿ ,ಅದೆಷ್ಟ್ರೋ ದಿನಗಳ ನಂತರ ಬದಲಾದ ಲೈಫ್ ಸ್ಟೈಲ್ ಜೊತೆ ಬದಲಾಯಿಸಿದ ನಂಬರ್ ನಿಂದ ಮಾತಾಡಿದಳು ..
ಅದೆಷ್ಟೋ ಬಾಲ್ಯದ ನೆನಪುಗಳ ನೆನಪಾಯಿಸಿದೆವು ...ಬಾಲ್ಯ ನಿಜಕ್ಕೂ ಸುಂದರ ಎನಿಸಿತು ಬಾಲ್ಯದ ಗೆಳತಿಯ ಮಾತುಗಳೊಂದಿಗೆ..ಬಾಲ್ಯ ನೆನಪಿಸಿ  ಬಾಲ್ಯದ wishes ಹೇಳಿದ ಗೆಳತಿ...miss you .




ನೆನಪಿನ ಭಾವಗಳಲ್ಲಿ ಬಾಲ್ಯದ ನೆನಪೇ ಬಹುಪಾಲು ..ಏಕೆಂದ್ರೆ ಈಗಷ್ಟೇ ಬಾಲ್ಯ ಮುಗಿದಿದೆ .ಬರಿಯ ಆಟ ಪಾಠ ಹಠ ,,ವಾಹ್ !!!
 ಈಗ ನೋಡಿ ಮುಗಿಯದ ಕ್ಲಾಸ್ ,unlimited assignments !!  non  stop seminars ,sleepless ನೈಟ್ಸ್ !...ಏನ್ ಬೇಕಿದ್ರೂ sacrifice ಮಾಡ್ತೀನಿ ..ಆದ್ರೆ ನಿದ್ದೆ (?)sacrifice ಮಾಡೋದೇ ಕಷ್ಟ ...ತುಂಬಾನೇ ಕಷ್ಟ ;) ನೋ sunday only monday !!
ಕೆಲವೊಂದಿಷ್ಟು ಜವಾಬ್ದಾರಿಗಳು ,ಕ್ಲಾಸ್ ಗೆ ಮೊದಲಿಗರಾಗಲೇ ಬೇಕೆಂಬ ಹಠ ,,ಜೊತೆಯಲ್ಲಿ ಒಂದಿಷ್ಟು ಹುಳುಕು 1
ಮುಗ್ಧತೆ ಇಲ್ಲ .ಮುಗುಳ್ನಗೆ ಇಲ್ಲವೇ ಇಲ್ಲ .ಎಲ್ಲವೂ ಮಾಯಾ ! 
ಇದು ಮುಗಿದ ಮೇಲೆ,,,, .ಬರಿಯ ಯಾಂತ್ರಿಕತೆ ...ಜೊತೆಗೊಂದಿಷ್ಟು ಮುಗ್ಧ ಮುಖವಾಡದ ಮಾಂತ್ರಿಕತೆ ! 
ಹೊಂದಾಣಿಕೆಯ ತಾಂತ್ರಿಕತೆ ...ಬರಿಯ ಯಾತ್ರೆಗಳ ಜಾತ್ರೆ ..ಜೊತೆಗೊಂದಿಷ್ಟು ತಲೆಬಿಸಿ ಗಳ ಸಂತೆ ..ಅಂತೆ ಕಂತೆ ..ಇಷ್ಟೇ !



ಬಾಲ್ಯ ಕಳೆದೇ ಹೋಗಿದೆ ...ನಿಜ್ವಾಗ್ಲು ಸಮಯ ಹಿಂದೆ ಹೋದರೆ ನಾನು ಬಾಲ್ಯ ಬಿಟ್ಟು ಈ ಗೋಜಲಿನ ಜಗತ್ತಿಗೆ ತಿರುಗಲಾರೆ ,,ಅಲ್ಲೇ ಇದ್ದು ಬಿಡುವ ಆಸೆ  ನನಗೆ !
ಬಾಲ್ಯ ನೀನೊಂದು ಸಿಹಿ ನೆನಪು ಮಾತ್ರ ..,
ಬಾಲ್ಯದ ನೆನಪುಗಳ ನೆನಪಲ್ಲಿ,,,,  ನೆನಪೊಂದನ್ನು ನೆನಪಿಸಿಕೊಟ್ಟ ಗೆಳತಿ ಕೇಳಿಲ್ಲಿ ...,
broken pencils and unfilled homeworks are better than 
broken heart and unfilled thoughts !!
ಏನಂತೀಯಾ ?

(ಇವತ್ತೇ ಈ ಮೆಸೇಜ್ ಕೂಡಾ ನನ್ನ inbox ನಲ್ಲಿ ನಾನ್ ಎಳೋಕೂ ಮುಂಚೆನೇ ಬಂದು ಕೂತಿತ್ತು ..ಅಣುಕಿಸುತ್ತಿತ್ತು )





on the onset of children's day ...ಪುಟ್ಟ ಪುಟ್ಟ ಕನಸುಗಳ ನೆನಪಿನಲ್ಲೊಂದು ಪುಟ್ಟ ಪಯಣ ..

ತೀರ ಸೇರದ ನಾವೆ ,,!

           ಪ್ರೀತಿಯ ಗೆಳತಿ ,!
                         ನೀನೊಂದು ಒಗಟು ಕಣೆ .,ಬದುಕು ಗೊಂದಲಗಳ ಜಾತ್ರೆಯಾದಾಗ ಬಂದವಳು ನೀನು ...ಹೀಗೊಬ್ಬ ಗೆಳತಿಯ ನಿರೀಕ್ಷೆ ಮಾಡಿರಲಿಲ್ಲ .ಬರಿಯ ಮಾತು, ಹರಟೆ ,ಮಸ್ತಿಯ ಸಾಮ್ರಾಜ್ಯದಲ್ಲಿ ಮುಳುಗಿ ಹೋಗಿದ್ದೆ .ಆಗ ಮೌನವಾಗಿ ಬಂದವಳು ನೀನು .ನಿನ್ನೀ ಮೌನ ನನಗ್ಯಾಕೋ ಇಷ್ಟ !ಕೆಲವೊಮ್ಮೆ ಕಷ್ಟ ಕೂಡ !!.ನಿನಗೆ ಅಂದು ಕ್ಯಾಂಪಸ್ ನಲ್ಲಿ ಸುಮ್ಮನೆ ರಾಗ್ ಮಾಡಿದ್ದೆ .ಅಂದು ನೀನು ಪ್ರತಿಕ್ರಯಿಸಿದ ರೀತಿ ನಿಜಕ್ಕೂ ಮರೆಯಲಾರದ್ದು ಗೆಳತಿ .
  ಬಿಡು ,,, ಆ ದಿನಗಳು ಕಳೆದು 2 3 ವರ್ಷಗಳೇ ಸರಿದಿವೆ .!
ಬದುಕು ಸರಿದಿದೆ !.ಕನಸುಗಳು ಕವಲೊಡೆದಿದೆ !ಬೇಕೆಂದಿದ್ದು ಸಿಗುವಷ್ಟು ಹತ್ತಿರದಲ್ಲಿದ್ದೇನೆ !..ಆದರೆ ನೀನು ಮಾತ್ರ ಅಂದಿನಿಂದ ದೂರಾಗಿದ್ದೀಯಾ !!,,ಏಕೆ ಹೀಗೆ ದೂರ ಸರಿದೆ ?
ಕಳೆದು ಹೋದ ವರ್ಷಗಳ ನೆನಪು ಮಾಸಲು ಮಾಸಲು ,,ಆ ನೆನಪಲ್ಲಿ ನಿನ್ನ ಮುದ್ದು ಮುಖ ಸ್ಪಷ್ಟ ,,ಇದಕ್ಕೆ ಏನೆನ್ನಬೇಕು ನೀನೆ ಹೇಳು ,
,ನಂಗೊತ್ತು ,,,,ನಿನ್ನ ಪುಟ್ಟ ಮನಸ್ಸಿನಲ್ಲಿ ಕೆಟ್ಟ ಕನಸುಗಳಿಲ್ಲ .ಮನದ ಬೇಸರ ,ಮಾಸದ ಮುಗುಳ್ನಗು ,ನಿನ್ನೀ ಹುಸಿ ಮುನಿಸು ...................ನನ್ನ ಒಲವು !
ಏನೆಂದು ಕರೆಯಲಿ ನಿನ್ನ ನಾ ....ಗೆಳತಿ ?ಪ್ರೀತಿ?ಆತ್ಮೀಯ?ನಲ್ಲೆ?,,ಇದಕ್ಕಾದರೂ ಉತ್ತರಿಸು ನೀ .
yes ,im here to confess my love to u .
you made  me think of u hundred times a day !!
tell me ,will u be MINE forever ???

ಮನದೊಳಗೆ ಹಾದು ಹೋದ ನನ್ನೀ ಭಾವನೆ ನಿನ್ನ ಗಂಭೀರತೆ ,ಲಾಸ್ಯ ,ಸೂಕ್ಷ್ಮತೆ ಗಳಲ್ಲಿ ಕಳೆದೇ ಹೋಗಿದೆ ಗೆಳತಿ
                                        ಉತ್ತರಿಸಿ ಹೋಗು ಒಮ್ಮೆ ನೀನು
                                                  ನಗು ನಗುತ ಸಾಗಲಿ ನಿನ್ನ ಪಯಣ .
                                                                                      ನಿನ್ನ ನಿರೀಕ್ಷೆಯಲ್ಲಿ ....,
                                                                                                       ನಿರಾಸೆಗೊಳಿಸದಿರು ಗೆಳತಿ ...,

                                               
                                   ಮತ್ತೆ ಮತ್ತದೇ ನೆನಪು ...,,
                                                 ನೆನಪುಗಳ ಬೆಚ್ಚನೆಯ ಪಯಣ ,,
                                                                  ಜೊತೆಯಾಗಿ ಹೋಗೋಣ ಬಾ ಗೆಳತಿ ,,,







ಉತ್ತರ ಹೊಳೆಯದ ಗೊಂದಲ ನನ್ನದು ಗೆಳೆಯ ,,,
    ಸ್ನೇಹದ ಸಲುಗೆಯ ಸರಿಸಿ,ಆತ್ಮೀಯತೆಯನ್ನು ಮರೆಸಿ ...ಬದುಕಿನೊಂದಿಗೆ ಆರಮಗಿದ್ದೀಯಾ ಅಂದುಕೊಂಡಿದ್ದೆ !ಬೆಳಿಗ್ಗೆ ಇಂದ ಸಂಜೆಯ ತನಕ ಬದುಕೇ ಕಾಣೆಯಾಗಿದೆ !
ಬದುಕನ್ನು ನಯವಾಗಿ ಪ್ರೀತಿಸುವವಳು ನಾನು ,,,ಕಾಲಿಗೆ ಗಾಳಿ ಕಟ್ಟಿ ಕೊಂಡು ಬದುಕಿನ race ನಲ್ಲಿ ಮುಂದೆಯೇ ಇರಬೇಕೆಂಬ ಧಾವಂತವೇನೂ ಇಲ್ಲವೇ ಇಲ್ಲ !
ನಿನ್ನೀ ಬದುಕಿನ ಬಗ್ಗೆ ತೀವ್ರವಾದ ಆಲೋಚನೆಯಾಗಲಿ ,ಗೊಂದಲವಾಗಲಿ ಬೇಡ ಗೆಳೆಯ ನನ್ನ ಭಾವುಕತೆ ,ಮುಗ್ಧತೆ ,ಸರಳತೆಯನ್ನುಸಾರಾಸಗಟವಾಗಿ  ಅಲ್ಲಗಳೆದ ನಿನ್ನ ಕಾತುರ ಜಗತ್ತಿನಲ್ಲಿ ಒಂದಾಗಲು ಒಲ್ಲೆ ನಾನು !
ಬದುಕಿನಿಂದ ನಿರೀಕ್ಷೆಗಳು ಕಡಿಮೆಯಾಗಿವೆ !!
ಬೆಚ್ಚಗಿನ ಆಪ್ತತೆ ,ಧಾರಾಳ ಸ್ನೇಹ ,ಒಂಚೂರು ಒಲವು ಇಷ್ಟಿದ್ದರೆ ನನ್ನ ಬದುಕು ಸಂತುಷ್ಟ ..
ಸಾದ್ಯವಾದರೆ ನನ್ನ ಪ್ರಶ್ನೆಗೆ ಉತ್ತರಿಸು ನೀ ,,,
                             ಕವಲೊಡೆದ ಒಲವು ...
                              ಮಾಸಿದ ನಿಲುವು ....
                              ಬರಿಯ ಗೊಂದಲದ ದಿನಗಳಿಂದ ಏನು ಪಡೆದೆ ನೀ ???
                                                                               ..ನೆನಪುಗಳ ಹಾದಿಯಲ್ಲಿ ನಿನ್ನನ್ನು ನಿರೀಕ್ಷಿಸುತ್ತಾ ..,,