ಗೆಳತಿ,
ಇಂದೇಕೊ ತುಸು ಬೇಸರ. ಸಿಗದ ಆಗಸಕ್ಕೆ ಕೈ ಚಾಚಬೇಕೆಂಬ ತೀವ್ರ ಹಂಬಲ. ಈ ಸಂದಿಗ್ದ ಏಕಾಂತ ನಿರಂತರ!!
ಭಾವನೆಗಳ ಸುಂದರ ಲೋಕದಲ್ಲಿ ಒಂದಷ್ಟು ಆಲೋಚನೆ, ಇನ್ನೊಂದಿಷ್ಟು ತುಂಟತನ, ಮೊತ್ತೊಂದಿಷ್ಟು ಗಾಂಭೀರ್ಯ,
ಏಕಾಂಗಿಯಾಗಿ ನಿಂತು ಹಾಯಿ ದೂರ ನೋಡುತ್ತಿರುವಾಗ ಬದುಕಿನ ಸುಂದರ ಚಿತ್ರ ಕನಸಿನಂತೆ ಭಾಸ.
ಮನಸ್ಥಿತಿಯ ಅಲ್ಪಮಟ್ಟಿನ ಬದಲಾವಣೆ ಖಂಡಿತ ಆಗುವುದು ಆಭಾಸ!.
ಮುಸ್ಸಂಜೆಯ ಈ ಮೌನ ನಿಜಕ್ಕೂ ಅಸಹನೀಯ, ಇಬ್ಬರಿಗೂ ಬದುಕು ಕಟ್ಟಿಕೊಳ್ಳುವ ಕಾತರ!
ಏನೇ ಇರಲಿ,
ಭಾವ ನಾನಾದರೆ ಭಾವನೆ ನೀನು,
ಜೀವನದ ಯಶಸ್ಸು ನಿನ್ನದಾಗಲಿ... ಅದರ ಹಾದಿ ನನ್ನದಿರಲಿ
ಚಿರಾಯುವಾಗು.